صدفه 1111؟؟

نايف النايف

يسرني ان انضم اليكم في هذا الصرح العضيم ويسرني ان تكون هذه اول مشاركه لي معكم
وآمل ان تنال على اعجابكم

صدفه بدون مقدمـات ومواعيـد
العين لدت صوب شيء جذبهـا
في ساعة تحسب من العمر والفيد
حمدت ربي يوم حظـي جلبهـا
شفت الجمال اللي يشيب المواليد
جددعلى ا لنفس الحزينه تعبهـا
في وسط دكانن تبي كسوة العيـد
ثوبن من الساتان لونـه عجبهـا
قلت السلام وقالت اهلين ياسيـد
مستعجله لاحدن يجي من عربها
واغضت بعينن كن فيها بواريـد
الموت الاحمر في نواعس هدبها
واقفت تخطى كن في اقدامها قيد
الجسم رويانن ويطـوي سلبهـا
ولدت بعنقن فيه من شرد الصيـد
حتى تبين لـي سلاسـل ذهبهـا
الله يحفظه من عيـون المقاريـد
ناسن من الغيره تطابخ غضبهـا

بعيدة نظر · 07 / 09 / 2009, 01 : 08 AM

نايف النااااااااايف ياسلام عليك ,,

قصيده على بحر المسحوب تحملل في طياتها صدفه جمعت بين محبين

استرسلت بعدها بوصف تلك اللحظات (لحظات الصدفه) بكل تفاصيلها حتى أدقهاا

صح السانك ولاعدمنا هالحضور ولا عدمنا هالقصيده الطيبه

ننتظر جديدك شاعرنا النايف فمرحبا بك مليون

نايف النايف · 07 / 09 / 2009, 17 : 11 PM

سلم الله اناملك الرقيقه على المرور العطر والاكثر من راااااائع
ياشيخة الغلا
وكلي امل ببذل الجهد والاصرار على المشاركات اللتي تخدم المنتدى

زمان يافن · 07 / 11 / 2009, 40 : 01 AM

مشكور نايف النايف

نايفN · 07 / 11 / 2009, 43 : 01 AM

ولدت بعنقن فيه من شرد الصيـد
حتى تبين لـي سلاسـل ذهبهـا
يعطيك العافيه

الاخت شيخة الغلا من اي مسحوب قلتي؟؟