إنا لله وإنا إليه راجعون
نسأل الله العلي القدير أن يسكنه فسيح جناته
وأن يلهمنا الصبر إنه ولي ذلك والقادر عليه
.
خوي عمري
.
خوي عمري راح وأقفت خطاويه=اللي ليا ضاقت بعيني نصيته
مات الذي للطيب ما تقصر يديه=ورحماك ياربٍ عطيت وخذيته
جاني الخبر والقلب يكفيه ما فيه=وعلى دروب الهم ليلي سريته
في محجري دمعٍ عن الناس مخفيه=والحزن باح بما بصدري كنيته
قلبي تكسر جا من أقصى عراويه=وطاحت بي الدمعه على باب بيته
ودّعت من قلبي يوّده ويغليه=ولو العمر يهدى بعمري فديته
يا كم هفا قلبٍ وكم عين تبكيه=وغلاه بعيون الخلايق قريته
فكري يجيب اسمه ورسمه وطاريه=وأتخيّله في كل دربٍ مشيته
عايض خوي العمر ماني بناسيه=با حط في قبري وأنا ما نسيته
.
محسن بن حسن المسردي
.
العرض العادي
