مساجلة قصيرة بين الشاعر/ شجاع الغضباني و الشاعر/ فالح المسردي

[غيث المسردي]

السلام عليكم ورحمة الله وبركاته

أسعد الله مساااكم بكل خير

أهدي لكم هذه المساجله القصيره

تجمع بين شاعرين مبدعين

وهم

الشاعر/ شجاع الغضباني العتيبي

و


الشاعر/ فالح بن هادي المسردي (عضو منتديات بوابة جاش )

يقول الشاعر/ شجاع الغضباني:

[poem=font=",7,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
عسى المطر يسقي مراكش واغادير=ويمطر على كازا بتالي نهاره
وعلى الرباط يسيل سيله محادير=ويمطر بحي اكدال حاره وحاره
دار البنات المترفات الغنادير=فيهن من الغزلان حلية وشاره
وان قالها الله واسعفتنا المقادير= يمكن شهر سبعه نجيها زياره
والعمر فاني والليالي مدابير = مات الفقير ومات راعى التجاره[/poem]

رد الشاعر / فالح المسردي

[poem=font=",7,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
عسى المطر يركي على دارنا عصير = تسمع رعوده بين تاره وتاره
من ورى تيما ليا نجد والنير = ومنه ليا الطايف وواودي ستاره
ويمطر على السوده مع حد خرخير= ويمطر يمين الدار مدري يساره
عشرين ليله ما انقطع له مزابير = ومن بعدها يشمس وبين خضاره
دار الرجال أهل الفخر وأهل الخير=دستورها القران بدو وحضاره
وان ثارت الهيجاء بتحمى المظاهير = ستر العذارى ما تعرف الدعاره
ماهمني كازا ولا بعد اغادير = وعن شوفه طعني وصل استخاره
ينوب عنها شوف شعل ومغاتير = وانسوقها من شان كاس الصداره
وجمعة رجالن كلبوهم مناعير = تاريخهم امجاد عز ونعاره
والنار تشعل والدلال المساطير= وصيوان به طيبً يفوح ذعاره
هاذي تراها عندي اعز واخير = من سفرتن مامنها الا خساره[/poem]


واتمنى ان تحوز على رضااااكم

[الصريح]

صح السان الشاعرين
وعساها الحيا الديار الي اذكرو كلها
ويازين ديره العتيبي

اطيب المنى،

[المسامح]

صح لسان الشاعرين
ولاهنت على النقل

[أبو محمد]

لا هنت ياغيث
ومجاراة أبو هادي طيبه ومعانيها طيبه

[ابوخالد]

صح لسان الشاعرين..
والله يسقي الديرتين كلها ديار مسلمين..

[غيث المسردي]

الصريح , المسامح , ابو محمد , وابو خالد

أشكركم جميعاً على تفاعلكم وردودكم

وصح ابدانكم وبيض الله وجيهكم

[أبـو نـــــواف]

صح لسان الشاعرين
ولا هنت ياغيث
=========

[غيث المسردي]

أبو نواف صح ابدنك طال عمرك

وشاكرلك مرورك

[ناصر بن هذال]

صح لسان الشعراء

[غيث المسردي]

صح ابدتك يابو هذال

شاكرلك مرورك

[البشري]

القصيدة الثانية مكسرة

[غيث المسردي]

القصيدة الثانية مكسرة

ههههههههه

وين الكسور طال عمرك ؟؟؟؟

[الهفاف]

اتفق مع البشري بان القصيدة الثانية مكسورة كسور كثيرة
واستغرب مرور ابو محمد على القصيدة والتعليق بقوله القصيدة طيبة ومعانيها طيبة

[غيث المسردي]

اتفق مع البشري بان القصيدة الثانية مكسورة كسور كثيرة
واستغرب مرور ابو محمد على القصيدة والتعليق بقوله القصيدة طيبة ومعانيها طيبة

الله الله مكسره كسور كثيره

طيب طال عمرك انت والبشري ممكن توضح لي كسر واحد من الكسور الكثيره

الله يخلف على الشعر اذا يقيمه ناس تحت الاقاب واسماء مستعاره

ياخوي القصايد رد عليه شعراء معروفين فالمنتدى مثل ابو محمد وناصر بن هذال وغيرهم ولو كان هناك كسر واحد مستحيل يطوف على شعراء متمرسين مثلهم

وعلى العموم شاعرنا فالح لا يهتم في هذه الردود والاسماء المستعاره
اسأل الله ان يشفي اصحابه