ياماخذه عقلي
ياماخذه عقلي وقلبي معك راح *** بالله ردي بالرسايل عليه
ماغير أصارع موج حبك بالألواح *** وهذي تراها ياحياتي خطيه
وحبك ذبحني صدق من دون ذباح *** وصارت حياتي من فراقك شقيه
وإن جيت أباأقضي باقي العمرمرتاح*** يزورني طيفك بكل ضحويه
وسويت من حبك سواة ابن رماح *** وإلاأبو مازن مع حماس وهنيه
والبرق لا شفته على داركم لاح *** عندي يصير البرق مثل الهديه
حتى نجاوركم بعذر الحيا طاح *** وأصير قربك كل صبح وعشيه
والبعد ياخلي على الوجه فضاح *** يخلي الخوي يعرف متاعب خويه
ولا تستمع للعاذل إن جاك نصاح *** يعطيك كلمه والنوايا خفيه
وترى العواذل مايحبون الإصلاح *** والحب ماله عندهم مقدريه
لكن عودي تكفي هموم وجراح *** ويكفي من الحبوب هذي وذيه
خلك قريب ولاش بفراقي رباح *** قربك يرد الروح يازين ليه
وتصير شمعة حبنا نور مصباح *** ونعيش يالمزيون عيشه هنيه
بواسطة الشاعر /الغامض20
تعليق