ابو هذال تبقى ياراعي الترحيبه وعندي مداخله مره اخرى مادامت السهره معك الله يعينك علينا وهي حول الابيات الموجهه لابن سبهان تقول
يابن سبهان ياطويل العمر جينا == شفنا حبك وكيفك يالامير
والله انه ما حنانا ثم دنينا === كود غرس في جهة ديرة عسير
وان زفا عشب الرشا عور علينا == ترتع الخلفات مامعها قصير
وعادنا لامن غزينا ماهفينا === كل يوم جايكم منا بشير
والابيات يااخينا العزيز ليست لشاعرالمسارده (باسم مجهول) حسب اهواءك الابيات للشيخ منير بن
ناصر بن هرسان امير الصقعات
قالها امام ابن سبهان بعدما استنجدوا به المسارده المسجونين في قصيده نخوه فيها وهو
في الجنوب (لاحظ البيت الثاني) وركب فرسه ومعه الصقعات وعطاه
ابن سبهان طلبه وفك المساجين لان منير ابن ناصر سبق ان اهدى على ابن سبهان كم هديه
من كسبه في مغازيه كما وضح في البيت الاخير من القصيده اعلاه ,,,,
والمساجين هم 1-الحلس جد ال الاحمر
2- حمد ابوخشم
3- خربوش ابن ثعلي
بالاضافه الى اربعه لم تعرف اسمائهم
وللحلس موقف بعد طريف بعد ان اطلق سراحهم قال كلمه زعلت حارس السجن واضحكت الباقين فامر بحبسه مرة اخرى فانشدوا المسارده
ياأمير فرع للجنوب ==والحلس خله في سدوس لكنه رفض وطلعه من السجن وخاواهم
اما قصيدة المساجين الموجهه للامير منير بن ناصر فلمعرفتهم المسبقه بان بين منير ابن ناصر
وابن سبهان صداقه وبعضا من ابياتها يقول :
ياراكب حمرا من البل معفاه == حمرا توارد يوم طووا قربها
تنصا منير سعد منهو بينصاه == حامي ثقال الخيل في معتقلها
الامير مثله مايخلي دناياه == والعون والله يوم جروا سببها
خلي حمد شوق الطموح المعداه == شوق الطموح اللي تلوي حجبها
وخربوش اللي ينثني في الملاقاة == له بندق في الهوش تاخذ وجبها
ومنير بن ناصر له قصه معروفه مع جد ال الاشدق كذلك اسأل عنها احفاد
ال الاشدق فهم يثنون علا موقفه مع جدهم ولاينكرونه ....
اما سبب مداخلتي فهو استغرابا من محاولة طمس التاريخ بقولك (شاعر المسارده) والقصه
معروفه من قديم وابياتها محفوظه لدى الجميع ......
ملاحظه يا اخ ناصر :: اذا لم تصل الى قناعه تامه بان التاريخ امانه فلا تعبث حسب اهوائك
وانتماءاتك القبليه لمجرد ايهام الناس بان امجاد القبيله لاسرة بعينها (كلنا عيال قريه ) يابو هذال وقبيلة الصقعات امجادها اكبر من ان تحجب بغربال فهم اوائل المسارده في كل شيء فهم اهل الغزو والحظاره واهل الماء واهل الغرس واهل العلم واهل الكرم واهل جاش ,, اتمنى ان تتقبل النقد
من غير حساسيه او فوبيا مشابهه وسهرتك حلوه مع الاخوان وانا ماقلت الكلام هذا الا لكثرة الملاحظات على عنصريتك الواضحه ضد الصقيعات تحديدا ودعواتنا للجميع بالصلاح ... واسألك بالله ماتزعل من كلامي .
|