الاخ ناصر امسيك بالخير وكذلك الاخوان المشاركين في السهره الممتعه التي بالطبع انت ضيف شرفها ويشهد علي الله اني فرحت يوم عرفت انك الضيف الجديد وكنت ناوي امسيك بالخير واطلب منك طلب بسيط ويتمحور حول بيت شعر تردده دائما ؟؟ولماذا؟؟ قبل ان اتفاجأ بوجود اسمي في احدى ردودك على الاسئله المطروحه ,,,,
صراحه ترددت قلت لا يفكر ابوهذال ان المشاركه مجامله لورود الاسم لكن انشاء الله انا وانت اكبر من فكرة المجامله وعموما امسي عليك بالخير مره ثانيه وانا مسرور لان رمضان جمعنا معك في السهره الجديده كما جمعنا مع ابو فلاح في السهره رقم -3- وهذي من افضال ربنا علينا يجمعنا مع الطيبين شرواكم في هالشهر الطيب الله يعيده علينا وعلى اخوانا المسلمين وحنا فايزين برضى رب العزة والجلال وعلا فكره قبل ما ابدأ مداخلتي معك ابو هذال حبيت اذكرك ببيت الشعر اللي قلت لك عنه وجدته في ابيات قصة المسارده مع ابن رشيد طلع ان القصه مع سالم ابن سبهان امير الرياض المعين من قبل ابن رشيد بعد ان صحح لي المعلومه الراوي اللي عنده القصه والقصيده قلت اول مره اسمع في سالم ابن سبهان قال هذا الاسم اللي بيسألني الله عنه ولاسمعت غيره يقصد عندما سمع القصه وهو طفل من شيبان المسارده عندما كانوا يحكونها قديما قلت عموما ماقصرت ياوالد وذهبت فورا لمحرك البحث قوقل واستخدمته في البحث عن اسرة ال سبهان وعن سالم ابن سبهان تحديدا ومن حسن الحظ وجدت كل مايتعلق بهذه الاسره حتى ان علي ابن سالم ابن سبهان ابن امير الرياض في عهد ابن رشيد عينه الملك عبدالعزيز اميرا لحائل بعد التوحيد ثم اميرا للمدينه المنوره بعد ذلك ,,,, الفائده الاكثر والاهم من ذلك عندي هي اني عرفت التاريخ الذي عاشوا فيه لانه راح يساعد في معرفة ترتيب القصص حسب الاسماء فمثلا قصة منيرابن ناصر وخربوش ابن ثعلي كانت تقريبا عام 1290هجري لان قصتهم صارت بسبب الزكاه وبسبب الزكاة كذلك نشبت حرب بين ابن رشيد وابن سبهان من جهه وابن مهنا امير بريده اللي هو جد ال ابالخيل حاليا وابن سعود من جهة اخرى عموما البيت يقول
وخربوش اللي ينثني في الملاقاة == له بندق في الهوش تاخذ وجبها
اما البيت المذكور فيه منير والقصيده موجهه له عموما فيقول
تنصا منير سعد منهو بينصاه == حامي ثقال الخيل في معتقلها......
ابويزيد موضوع القصه ملحوق وخليني ارجع اطرح عليك كم سؤال عندي ,,,
الاول: متى بدأت قصتك مع الشعر وبمن تأثرت من الشعراء؟
2-بيت تردده دائما ؟
3-اقرب قصيده من قصائدك الى نفسك ولماذا؟
تقبل اطالتي بصدر رحب وامسي على الجميع بالخير مره ثانيه.
|