[عبدالله المشعلي]

لو سلمنا منك يا..بوتن.وحق الفيتو
كـان حلف النيتو .. نكافيه ويكافينا
ياهل النيتو ..لا وفـّيـتو ولا كفـّيـتـو
والعذر .. لا عـاد .. يكفكم .. ويكفينا
بيّنت عشرين عشرينٍ ..لنا ماخفيتو
بـيّنت خافيكم.. ولا بـيّنت .. خافينا
كل ما لفـّت رحا الدنيا بكم .. لفيتو
والا حـنـا.. لا تلف بنا .. ولا لـفـيـنـا
المصالح جمّتنا .. لين ما استوفيتو
وانتهت معكم علاقتنا.ولا استوفينا
ولا علينا خلاف.. لا اقبلتو ولا قفّيتو
ما حسبنا حسابكم..في قافيٍ قافينا
ما يهم .. ولو تفرقتو .. ولو صفـّيتو
المهم انا عقب هذي صفى صافينا
عبدالله المشعلي
1441/6/1