الى الطرقي مع التحية

[أبو فيصـل]

[poem=font="Simplified Arabic,5,white,normal,normal" bkcolor="black" bkimage="" border="double,6,black" type=2 line=0 align=center use=ex num="0,black"]
يالطرقي اللي تحفظ احكام وامثالي=ياكيف حالك عساك بخير بالحالي
وشرايك اليوم نبداها بموالي=والبيت مايثبت الا فوق سيسانه
انت ياملازم الشرطه تراني نقيب=مااحب التسيب واحترم لنتظام
طيبتي لاتغرك وانتبه يالبيب=والاجازه على مثلك تراها حرام[/poem]

[الطرقي]

[poem=font="Simplified Arabic,5,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
ياصاحبي ياسفير الحب وشلونك =والله يحييك درًجها بقانونك
وابتد مواويلها والله في عونك=والبيت مايثبت الا فوق سيسانه
يانقيب انت مالك حق عنا تغيب=لك ليالي تفوت موعد الاستلام
وطيبتك لاتغير وضعها يالحبيب=لي عليك احترام ولك علي احترام[/poem]

[أبو فيصـل]

[poem=font="Simplified Arabic,5,white,normal,normal" bkcolor="black" bkimage="" border="double,6,black" type=2 line=0 align=center use=ex num="0,black"]
حاضر ولكن تغيبنا مشاغلنا=ولاانت فاضي تدوج ودوم مشغلنا
والموتر اللي معك ماساعه ونا=والبيت مايثبت الا فوق سيسانه
شاعر من شروق الشمس لين المغيب=مايوني ولايعرف لذيذ المنام
المغشه تراها من بعيد وقريب=ولاتغرك مواري دين ولا التزام[/poem]

[الطرقي]

[poem=font="Simplified Arabic,5,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
مادام غيبتك يالطيب من اشغالك=وشفيك تدعي العرب وتجر موالك
ياهيه00ياهيه فال الله ولا فالك=البيت مايثبت الا فوق سيسانه
شاعر مايجيله في المواقف نصيب=ودك انه على وجهه يحط اللثام
والمغشه لاهلها واكثر الهرج عيب=يلحقك في بعض ماقلت مني ملام [/poem]

[أبو فيصـل]

[poem=font="Simplified Arabic,5,white,normal,normal" bkcolor="black" bkimage="" border="double,6,black" type=2 line=0 align=center use=ex num="0,black"]
حبيت امازحك لكن اختلف ظني=متغير وش حصل لك ياولد مني
ماتدري ان الوفا ماخوذ هو عني=والبيت مايثبت الا فوق سيسانه
انت يالي تبرى الذيب وسط القليب=رح وفتش جيوبك قبل حل الظلام
ماعلي من زعلكم دام ربي حسيب=وكلمة الحق عندي مثل رد السلام[/poem]

[الطرقي]

[poem=font="Simplified Arabic,5,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
ياللي تمازح ترى الموال غيرته=واخلفت طرقه وفيه الوزن كسرته
عسرك معناه والموضوع عاسرته=والبيت مايثبت الافوق سيسانه
ياسفير المحبه فيك شك وريب=قمت تومي بها من بين شرق وشام
اشهد ان ماعلى ذا الوقت شي عجيب=كلمة الحق قدهي حجة الاتهام[/poem]

[رماح الحب]

اسمحو لي بالمرور و تقديم التشجيع و اتمنى ان تقبلوني متابعة.

[أبو فيصـل]

[poem=font="Simplified Arabic,5,white,normal,normal" bkcolor="black" bkimage="" border="double,6,black" type=2 line=0 align=center use=ex num="0,black"]
ماهوب يعسرني المعنى ليا قلته=وترى الخطا وارد ماظنك ابدعته
ولي حصل رحت انا با ليد واصلحته=والبيت مايثبت الا فوق سيسانه
ياحليل السكرتي معه وصفة طبيب=يامضيع شبابه قبل وقت الصرام
لاتعجب ومثلك يحسبنه خطيب=وكثرة الدق يالطرقي تفك اللحام[/poem]

[الطرقي]

[poem=font="Simplified Arabic,5,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
ماهوب يعسرك كيف تصلح الغلطه=وتخالط ابيوتها وتقالب الخلطه
وشلون سويتها ياضابط الشرطه=والبيت مايثبت الافوق سيسانه
ياسفير المحبه وانت شاعر واديب=استمع ياحزام اللي يبي له حزام
لا تدق اللحام ولا تحل الصعيب= وانفرد للمحبه والهوى والغرام [/poem]

[محمد بن عايض المسردي]

ياسلالالالالالالالالالالالالالالالالالالالالالالال الالالالام في الصف يالطرقي

[أبو فيصـل]

[poem=font="Simplified Arabic,5,white,normal,normal" bkcolor="black" bkimage="" border="double,6,black" type=2 line=0 align=center use=ex num="0,black"]
اشوف بعض العرب مايدمح الزله=مثل الغريق الذي متمسك بقشله
ياهوه00 ياهوه بانت منكم الذله= والبيت مايثبت الا فوق سيسانه
جبرنا ماكسر والكسر منا عطيب=والمهالك عليها وردنا مايضام
ناركم برد ولا نارنا من لهيب=لاتشب الحرايق ياصلك لنتقام[/poem]

[الطرقي]

[poem=font="Simplified Arabic,5,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
من بعد هاذي ترى زلتك مدموحه=ماعاد اضايقك في الجيه ولا الروحه
الا لما قام ينذخ ذيخ منفوحه = البيت مايثبت الا فوق سيسانه
انت ياللي عظامك كلها من صليب =ما تكسر مثل باقي جميع العظام
خل عنك التهدد والغضب يا لغضيب=نبغي انشوف فعلك والهمام الهمام [/poem]

[أبو فيصـل]

[poem=font="Simplified Arabic,5,white,normal,normal" bkcolor="black" bkimage="" border="double,6,black" type=2 line=0 align=center use=ex num="0,black"]
يالطرقي اعرفك انا واعرف اساليبك=لاتكثر الهرج تكفينا اكاذيبك
لاجات صدق بيظهر للعرب عيبك=والبيت مايثبت الا فوق سيسانه
انت يالي على الصخره غشاك النحيب=امر الحرب ناويها عليك اقتحام
لاعطيتك لوامر ياوكيل الرقيب=لاتناقشني ابها صادره من لمام[/poem]

[الطرقي]

[poem=font="Simplified Arabic,5,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
مدام تعرف باساليبي وتفكيري =هاذي الحركات مررها على غيري
مهما تسويه ماللك اي تاثيري =والبيت ما يثبت الا فوق سيسانه
موقفي ماتهزه في النهار العصيب=واخذ القسم وافي من علو السنام
وانت يالذيب في دربك ثلاثين ذيب=لاتنزل مقامك يارفيع المقام [/poem]

[أبو فيصـل]

[poem=font="Simplified Arabic,5,white,normal,normal" bkcolor="black" bkimage="" border="double,6,black" type=2 line=0 align=center use=ex num="0,black"]
قدري اعرفه ولاانت بعارف قدري=وياحيف من واحد يدري ولايدري
بدري عليك النجوم الساريه بدري =والبيت مايثبت الا فوق سيسانه
لاتحسب السوالف مثل اكل الزبيب=احتزم للدواهي عام من بعد عام
فيه بالحرب سالب لاتصير السليب=والجمل لابرك حطو عليه الخطام[/poem]