[الدكتور مناحي]

[poet font="Arial,5,black,normal,normal" bkcolor="transparent" bkimage="backgrounds/4.gif" border="groove,5,gray" type=0 line=200% align=center use=ex length=0 char="" num="0,black" filter="":34885a2b79]
دنيا قذايفها على غير نيشان
-
ياليت لي لما تضايقت جنحان = تسبق برفتها هبوب الرياحي
و أقدر أزين خاطري كل ما شان = و أذوق من عقب الهماج القراحي
و أفاخت هموم على أشكال و ألوان = مطوقتني من جميع النواحي
مر توديني ورا ساحل عمان = و مر تعيشني الزرا في مراحي
قد لي ليالي و أتصبر على شان = ما ودي أشكي لكن السد باحي
جابت هواجيسي مع القوم قيمان = و قامت تشابرني بروس الرماحي
و غديت مثل اللي ورا باب سجان = دايم سؤاله كيف يطلق سراحي
و لا صويب في ملاقاة عدوان = في غفلة ما كان حوله سلاحي
و لا عقيم كل ما له بنقصان = لا ما طرا له جر صوته و صاحي
من جور وقت قام يقسا و لا لان = و حول طريقه عن دروب السماحي
على طريق للوبا فيه عنوان = غطا عزازه سافيات البطاحي
سافي ذواريها غشا كل ما بان = حتى محا تاريخ الأيام ماحي
و غطا معالم كل علم و برهان = غدرا ظلام مايجي له صباحي
و الناس جا فيهم تناسي و نسيان = و زاد انفتاح المرجفين انفتاحي
اللي تحط فعول شالح لراكان = و تنسب قصيد العازمي للرياحي
و تنقص مقام فلان و تمجد فلان = و تحط من عم المجانين صاحي
وتغير الصورة على قدر الأمكان = وتحط من مرجاع الأشياء مراحي
و الوزنة اللي ما تجي نصف ميزان = ذا الوقت عود وزنها ما يزاحي
يضرب وترها حسب الأحداث فنان = يظهر مع الايقاع صوت يلاحي
يعطي الخيال ألحان و الواقع ألحان = مثل الدعاية في المجال السياحي
و يظهر بطلها بين ذربين الأيمان = ما علاد تلجم من نباه اللواحي
يمدح وكنه اللي قطع راس عجلان = قبل السيوف تصير مثل المساحي
شي يخلي دمعة العين ودان = حتى ولو ما من بكاها صلاحي
دنيا قذايفها على غير نيشان = غلطاتها زادت كشوف المصاحي
ودت عزيزين النبا في خبر كان = و مدت جميلين الصور بالوشاحي
فمن لامني لما تمنيت جنحان = يمشي عليها ما يحقق نجاحي
-
-
عايض بن حيبان المسردي
-
-
[/poet:34885a2b79]