هذه المجاراه بين طالب في مدرسة الهفوف واحد اساتذته
والطالب هو ( حسن بن محمد بن ضريس ال مهدي القحطاني )
والاستاذ هو ( زكريا بن محمد الفضلي )
قصيدة الطالب
بيوت شعري للمواجب مصادير = مثل المها في زينها ومحروسه
واستصعبت والشارده فالها خير = ونقيتها من ينتقيله عروسه
وبديتها للي يسوق الطوابير = شيخ(ن) على العليا وفعله يروسه
سطر له التاريخ والمجد تسطير = داس الرديه وعجزت لاتدوسه
والضاميه تارد على جمة البير = وتشرب قراح الماء في لذة نفوسه
وانا لياضميت في ماكر الطير = ارد على الطيب وصافي هجوسه
مانيب مثل اللي ملك له دنانير = في كل صبح يحسب فلوسه
والشعر سلعه في سوق الهوامير = وجلوبتي برية(ن) ومحموسه
فناجيلها عديتها للمناعير = شرواك ياحر(ن) يخايل فروسه
هذا كلامي وبدعو ياشواعير = قصيدتي مثل الدرر ومحموسه
قصيدة الاستاذ وهو الرد
لو الخفوق اعياه كثر التعابير = ولو الحروف اللي ابيها امحبوسه
لاطلق سراح الحرف لو هو وسط بير =وافك قيده لاجل ازين عروسه
عروستي ماهي بشر يالشواعير = قصيدة تلوف بخاطري ومحسوسه
سقت القوافي من خفوقي مصادير = لعيون من هو قد غمرني بدروسه
يورد بيوت الشعر ن دون تفكير = جزل سنافي حر محد(ن) يروسه
يمناه دايم تبذل الخيروالخير = ويرخص لاجل غاليه غالي فلوسه
من نسل قوم(ن) يكرمون المسايير = دايم على العليا دروسه تسوسه
ذيب (ن) سند ذيك الليالي المدابير = والمقبله واللي غدت به هجوسه
مثله مثل قصة كليب(ن) مع الزير = يو حلف خصمه برجله يدوسه
حق(ن) علينا مدحكم يالمناعير = حق(ن) علينا والمعاني محروسه