عبدالله المشعلي=
أنت يا أبو عشق عندك علوم وهقاوي=والهقاوي تضيع ولا تضيع المروه
لا بدا سهيل كل للمقانيص ناوي=والمقانيص للي نونا غير نوه
سلطان المسعودي=
أنت يالمشعلي عندك علوم ودعاوي =والدعاوي تهو ن ولا تضيع المخوه
أنت قلبك حجر والغير قلبه هواوي =لا تطفي شموع الحلم والود توه
عبدالله المشعلي=
يا هل الشرق أنا سيلي عليكم نحاوي=غير ما باقي الا تطلبون الجلوه
فيه رمي يصيب وفيه رمي سماوي=وأنت شي تبي تقدر تسويه سوه
سلطان المسعودي=
نجمتبن تلالا ما ذكرها الخلاوي=في علوم الفلك والا على جال ضوه
أنت غافل لك الله وأشهب الذيب عاوي=بأسفل الضلع يا أبو زيد والا علوه
عبدالله المشعلي=
يا راع الفيد جبت العيد والليل ضاوي=غير منته بسالم من لسان المفوه
كل يومٍ تسوي لك علينا بلاوي=لا بس لك نهار العيد ثوب مموه
سلطان المسعودي=
لو سبرت الطريق ولو حسبت الخطاوي=كان صحيت عشاق الغرام المشوه
راعي الذود لو زعّل جميع الشواوي =ما لقا له صبوحا في نهار القسوه
عبدالله المشعلي=
ما بقى بيبي وبينك رموز وحزاي=لكن ألعلب على المكشوف وأفصح ونوه
عقب ما طاح زين العابدين أمتساوي=طيحته من صديقه ما تجي من عدوه