قصيدة اعجبتي ويسرني اهدءها لكم ( خاصة للشاعر أبومحمد- عايض بن حيبان المسردي)
يقولون ويش لك في البداوة وحط و شيل
وانا اقول قلب المهتوي لا تعذلونه
دع القلب يا عذال لا تتعبه بالحيل
تريح مع اهل المدن ياذا ودع شونه
انا شف بالي دلة قندت بالهيل
وفنجالها بين النشامى يديرونه
وشوف الفياض اللي كما جف منها السيل
سقاها الولي برايح تلعب مزونه
تمدد ورقها واشتبك بعد عاشر ليل
وعطا بنَّة تبري من القلب طاعونه
وفيه ام سالم رتلت بالغنا ترتيل
بهرها جماله واصبحت فيه مفتونه
جمالٍ طبيعيٍ خلي من التجميل
ولا لوثه دخان مصنع وطاحونه
حقيقة حياة لا رواية ولا تمثيل
هواها نقيٍ منعشٍ صافيٍ لونه
هدايا من الرحمن لمذبحين الحيل
اهل منزلٍ في مكسر العرق يبنونه
يشبون ضوٍ فيه توضي كما القنديل
وتو المسير بابهم ما يصكونه
تعليق