ياعايض المنعور ياترثة الجودي= انا وش بلا قلبي تلالا مزاميره
الا ياعشيق محصن ناعم العودي = وابوه العقيد وطيبين حجاجيره
عسا حن ليا جيناك طيب وموجودي = صبي (ن) وفي(ن) كاملات تشابيره
راعي المجلس اللي كنه العد مارودي = ومن طيب راعي البيت كثرو مساييره
انا البارحه سهران والعالم رقودي = وذكرت القصيد وزان نضمه وتعبيره
انا دمع عيني حرق الجفن وخدودي =وهاجوس ليلا حطم القلب تاثيره
انا اضحك مع من ضحك والقلب ملهودي = وكن السهم في القلب تنزف مطاييره
انا غايتي ومناي وودي ومقصودي = مسيرا مع الربع الموالين في الديره
تذكرت لي دارا تربت بها جدودي =ومن دونها جوا تركز معاصييره
تذكرت ذيك الدار وجبالها السودي = وذكرت الغروس اللي تعدل جبابيره
حموها هل العادات بمات بالودي =ليا زعزعو مسرد تلقتهم الغيره
ذباحة الخرفان والحيل والقودي =وصفري (ن) تقدم للنشاما مغاريره
اهل الحما اللي له تواريخ وشهودي =وكم شيخ قوم قد تقفو معاشيره
انا احب ذيك الدار وتحبها ذودي =عساها السحاب اللي ترادف مزابيره
وغدا العشب فيها له تشاكيل وفنودي = تشوف الزهر فيها تضاحك نواويره
ناصر بن محبوب (الجنوبي)