احسب إن ما للجمايل على الدنيا جحود=لين معروفي بذرته بنـاسٍ وجحـدوه
أشهد أن من يفعل الجود فاللي مايجود=مثل من حجج على غاربه ذبّاح أبـوه
مايلاقي ردّها غير إنكـار وجحـود=ولو تحدّه دنيتـه وأنتخاهـم جنبـوه
لاترجّى غيمة الصيف أمطار ورعود=ولايغرّك يالخوي بالملا حسن الوجوه
بعضهم يحلف علن بالخفا ينقض عهود=البلا في داخله بالنظـر ماشخصـوه
لوتشوفه قلت له ماعليـه اليـوم زود=ومثل هذا أغلب الناس مثلـك أيّـدوه
يازمان العولمه أستوى بيضٍ وسـود=الغبي يافرحته والحكيـم اللـي يتـوه
قاله اللي وارث الشعر أبٍ عن جـدود=دنيتـه وأيامهـا والليالـي درسـوه