كثروا الشعار والقاف كلٍِ ولفه=لين طعم القاف سمج وبقا ما له طعم
كل ملقوفٍ تلقف لبدعه ولقفه=ظالمه يا منصف القاف ممن له ظلم
يحسب إنه عارفٍ له وهو ما يعرفه=مثل من لا يعرف الكتب ويذم القلم
عن مواضيعه الأصيلات صار يحرفه=مثل من ساوى المغازي وسراح الغنم
عزتي للقاف كلٍ تعلق بطرفه=كل متعافي غشيمٍ تعلق وألتزم
كم غشيمٍ جاهلٍ ما يعرف يصرفه=ويتخبط فيه لعل يبلى بالطرم
مثل بعض الناس يا ربي إنك تصرفه=صار شاعر مطربٍ موسيقار وله نغم
ما تطرف له من امقول القاف خطفه=يحسب إن الأدب والفن مثل طراد البهم
مادرى إنه وسخ الشعر والفن أقرفه=جعل حمى جاش تقرف فواده بالسدم
شذةٍ جمْا تناطح لها عرض نشفه=وإن حدٍ فهم قليل المعرفة ما افتهم