سلسلة لقاءا ت شعراء جاش..الشاعر/ عجب بن حمد
 

بسم الله الرخمن الرحيم اولا احب اشكر القائمين على المنتدى وخاصة الاخ الشاعر ابو خالد
 

شكر خاص لشيخة الغلا على هذه الابيات الجميله ويشرفني الرد عليها بهذه الابيات وسامحوني اذا حصل تقصير

ياهلا يابو يزيد
 

[يامرحبا يا بو يزيد والله يمسيك بالنور والسرور وبالنسبه لسؤالك اخواني فيهم عويد شاعر والباقين على الخفيف وعلى فكره ابوي الله يحفظه ماهو شاعر لكن ورثنا الشعر عن جدي ابو امي وهو الشاعر المعروف محبوب بن مانع بن سمران الله يرحمه ويحسن اليه

عجب حياك الله وشكرا على الاستظافة ...

سؤالي طلب خاص وهو مقتطفات من اقرب ابياتك الى نفسك مع ان الشاعر كل قصيده يقولون مثل عياله مابينهم فرق لكن حاول ترضي طلبنا ,,,, ولك الشكر والتوفيق

[
الله يحييك ياسوالف ليل ولي الشرف
وانا اقول مثل ماقلت كل قصايد الشاعر غاليه عنده ومثل عياله
ان قام حض العبد جــــابه ووداه=وان طاح طاحـت معنويات راعيه
يالله بحض يكتب اسمي ويقراه=في صفحة التاريخ تثبت رواسيه
وكذلك :
الرجل لاصار محسوب لربوعه سفير=يحسرك بين الرياجيل لاقـــــ الوكفى
والله انه مايحز الخواطـــــر والضمير=مثل هفوة راعي الطيب لامنه هفى
وكذلك:
انته تعرف انك على عمري تمون=وقلبي وروحي في يدينك رهينه
لاصـــار ماتقـــــدر تكلــــم تليفون= ارسل رســاله والعـذر قابلينه

مساك الله بالخير يابو حمد وانا من اشد المعجبين بشعرك الجزل
اما سؤالي
من افضل شعراء المحاوره من الجيل الحالي ؟
طبعا في نطاق القبيله
شاكر لكم الاستضافه.

اخي الصميدع الله يحييك ويبارك فيك شعراء المحاوره من الجيل الحالي في نطاق القبيله كثير منهم ابو راكان الشاعر مناحي بن معدي-وابو محمد عايض بن حيبان-وعايض ابن الاشدق-وخالد بن معدي- جمل بن محمد بن محبوب واعذروني اذا نسيت اسم احد من شعراءنا الافاضل

يامرحبا ومسهلا يابو محمد والله يحييك وانت شاعر كبير ويشرفني التواصل معك لوعبر المنتدى وسر ابتعادي عن الاعلام التقصير مني انا لانني ماكنت اهتم بالحضور بالحفلات والمشاركه فيها وقله مشاركاتي بالمنتدى من ضروفي وشغلي اما شعر الحداثه انا سمعت شعار ينتقون المفردات المقبوله للناس وتجوز لي قصائدهم اما بعضهم يعوفك الشعر كله واللي يشد انتباهي الشاعر اللي قصيده ينحفظ على طول من طيبه والنقد لاوالله ماني صريح لاني استحي واجامل بعض الاحيان وهذا من عيوبي

الله يحييك يابو نواف ويطول عمرك الشاعر اللي اثر فيني هو خالي الشاعر الكبير ناصر بن محبوب(الجنوبي)اما شاعر القبيله حاليا مااقدر اقول واحد معين لان هذا راجع للجمهور هم اللي يقيمون الشعاراما انا اقول كل شعار المسارده فيهم بركه واي واحد منهم يمثل القبيله ويسد اللزوم

مرحبتين ياشيخة الغلا وشكرا مره ثانيه على الابيات الرائعه واللي تدل على طيبك وطيب اصلك الشعر عندي اعتبره موهبه لاني ابتعد عنه احيانا وارجع له والقصيده اللي استشعرت في كل بيت منها وكأنه يخرج من قلبي قصائد المواقف وهي كثيره وراح انزل منها قصائد بالمنتدى انشأالله وباالنسبه للندم على كتابة الشعر لاما ندمت ولكن بعض القصائد لوخيروني ماقلتها الاوهي بعض قصائد المدح والشاعر ساحر نعم بعض الشعار يسحر المستمع بقصائده واسلوبه الجيد اما هاجوس الشعر الحمد لله لم يخذلني ولومره وهذا من طيبه

ابو حمد اسعد الله اوقاتك بكل خير واشكر القايمين على هذه الفكره والسوال هو
س1/اين يجد الشاعر/ابن عويد نفسه في النظم ام المحاوره

مرحبا اخوي سلطان ال شوافه والله يحييك ويبقيك انا اجد نفسي بالمحاوره وكذلك باالنظم لان كل منها له مميزاته وجمهوره ولكني اميل اشوي مع النظم لانني اقدر اعبر فيه عن شعوري انما المحاوره تكون مربوط بالمعنى مع الشاعر المقابل ولاتطلع منه

مرحبا اخوي برق الحيا هذي المرحله مامرت علي ولكن هناك بعض التوقفات في فتره معينه مرت علي وهذاك الوقت صار فيه عند الناس عدم اهتمام بالشعر وانا صار عندي كذلك لان مافيه متذوقين ولااعلام لتوصيل القصيده للناس ولكن اعرف شعراء مرو بفتره في حياتهم يبد الواحد القصيده و مايكمل القصيده مما يجبره على تركها مره وحده وبعدين عدو المرحله هذي وهم الان من افضل الشعراء

يامرحبا يابو يزيد الله يحييك بالنسبه للانترنت نعم خدمتني في بعض الاشياء مثل انتشار بعض قصائدي في كم منتدى بدون مااكون عضو فيها وذلك من نقلها عبر متذوقي الشعر اما منتدى الشعبيات في شبكة جاش اكيد انه قدم لي الكثير منها على سبيل المثال التواصل مع اعضائه الكرام وانت واحد منهم يابو يزيد وكذلك نشر قصائدي والاستفاده من الشعرا والمثقفين الموجودين في شبكة جاش

مساكم الله بالخير جميعا

أشكر الاخوان القائمين على هذه الفكره وأخص أخوي ابو خالد

أبو حمد حياك الله اولاً

صراحه عندي اسئله كثيره لكن الاخوان سبقوني على بعضها

س1/متى كانت بدايتك الحقيقه في شعر المحاوره والنظم؟

س2/لماذا لا نجد لك تواجد في ساحات شعر المحاوره علماً انك شاعر جزل وتملك مقاومات
شاعر المحاوره؟

س3/ماهي المحاوره الراسخه في ذهنك حتى الان ومع من كانت ومتى تاريخها؟

اسف على الاطاله

واشكر اخوي ابو حمد واتمناله التوفيق

تقبلوا تحياتي

يامرحبا اخوي فالح الله يحييك ولاعليك زود انت شاعر محاوره ونعتز فيك بدايتي في شعر النظم كانت وعمري 13 سنه والمحاوره يمكن عمري 17اما باالنسبه لتواجدي في ساحات المحاوره كانت لضروفي باالعمل وخوفي من الانتقاد كان السبب الرئيسي وكانت لي محاورات ومجالسيات مع شعار معروفين الحين على مستوى الخليج وكنت هذاك الوقت انا اللي اعلمهم كيف لعب المحاوره ولكن هم كانو يغامرون بالدخول في ساحات المحاوره وهذا اللي طلعهم والمحاوره اللي راسخه في ذهني كانت مع شاعر من المشاعله عام 1414 ولكن للاسف مااحفظ منها شي وكان شاعرجزل ويلعب على معنى وراح ماعاد شفته باالمحاورات سئلت عنه والظاهر صار عليه قضيه وكان اسمه على مااعتقدناصر بن عايض وكذلك لي محاورات عده مع شاعر المعنى مرزوق الرمالي وهو شاعر معروف وهي موجوده في عدة منتديات منها منتدى سمان الهرج وانا مااقيم محاوراتي بالشاعر اذا هو مشهور ممكن يلعب اي شاعر مع شاعر مشهور وهو مايعرف اصول المحاوره وكذلك للمعنى وهذا مايفيده الااذا هوشاعر متمكن

ابو حمد مساك الله بالخير

بكل صراحه وبدون اي مجامله مشكور ومشكور على كل ماتقدمه لنا من شعر جزل وعذب والله يعطيك العافيه

سؤالي لك وينك من الاعلام وصدقني يابو حمد حراام مثل هذه الموهبه تحجب عن الساحه
ولك جزيل شكري وامتناني

تسلم اخوي ابوديم واكبر شرف لي مرور امثالك من الطيبين وشهادتك اعتز فيها اما باالنسبه عن سبب ابتعادي عن الاعلام لضروف العمل وكذلك الاعمال الخاصه بي وانا من الناس اللي مااتعب على شان الاعلام والاعلام يبي واحد يتعب بالبدايه حتى ينعرف جماهيريا بعدين الاعلام هو اللي يصير يسعى وراه واشكرك مره ثانيه يابو ديم والله لايهينك

اخوي الشاعر الكبير عجب بن حمد (ابن عويد )
بما انني قريب منك فأنني لا أعرف ماذا أسألك عنه ولكن مثلك من الشعراء حينما أرى مقابلةً او قصيدة له فأنه ليزيدني فخراً أن اسجل حضوري وأكتب تعليقي وانا مهما كتبت فأن شهادتي فيك مجروحة وانا من جماهيرك ومعجبين قصائدك ومحاوراتك تقبل مروري واتمنى لك التوفيق والإستمرار بنجاح

مرحبا ومسهلا يابو عبد العزيز والقلوب على القلوب شواهد وانت من الشعار المبد عين اللي نعتز فيهم بدون مجامله ولا عليك زود ومرورك شرف كبير لي

اله يحييك يابوحمد انت جزل وقصايدك جزله
تقبل فائق احترامي ابن عم وصديق وزميل قديم جدا

يامرحبا تراحيب المطر ياالبحري واعتز ان لي ابن عم وصديق مثلك ومرورك اكبر شرف لي يابن عمي

الله يحييك يابوذيب وتعليقك يزيدني شرف وانت اخو عزيز والقلوب على القلوب شواهد وشهادتك تاج على راسي والله يكثر من امثالك من الرجال اللي يرفعون الراس وصداقتهم شرف -تقبل تحياتي وتقديري الشخصي لشخصكم الكريم

شاعر يستاهل التقدير والاحترام ، لو تكتب لنا قصيده غزليه وهل لك تجربه مع الحب والغزل ، وشاكر ومقدر ابن عم لك.

الله يحييك اخوي وابن عمي عاشق المجد الحب والغزل اذا تقابلت انا وياك علمتك باللي تبي اما قصائد الغزل ابشر راح انزل قصيده غزليه عن قريب-تقبل تحياتي

أرررررررررررررررررحب يبو حمد

شاعر كبير ولا فيك حيله

ولكن سؤالي

س\ هل هناك قصيدة أو قصائد او أبيات كتبتها ولكنها لم تكتمل الا بعد مدة طويله ؟


تقبل تحيات


أبو هياف

الله يحييك ويبقيك يابو هياف انا من الناس اللي اذا بديت باالقصيده ماانام لين اكملها وما اذكر اني توقفت في قصيده اكثر من ثلاث ساعات -تقبل تحباتي

مرحبا ومسهلا يابو خالد تراحيب المطر انا اجد نفسي في جميع اغراض الشعر واكثر قصائدي تاتي عن طريق المواقف يعني حسب الموقف اللي يمر علي اما باالنسبه للموال نعم يبين قدرة الشاعر الصوتيه فقط امااالمحاوره بدون موال تكون احسن لان الشاعر يكون تركيزه على المعنى اكثر من المحاوره اللي فيها موال ولكن لااعتقد انه يقتل روح المحاوره خاصه اذا صارت المحاوره بموال يطرب الجمهور والشيله على معنى

أعزائنا أعضاء منتدى جاش..

نستأذنكم ونستأذن شاعرنا الرائع عجب بن حمد على هذا اللقاء الجميل والمثري..

ولنا عوده مع شاعر جديد ضمن لقاءات شعراء منتدى جاش..