قولوا لهاللي تالي العيد شفناه
قولوا لهاللي تالي العيد شفناه **** مصحوب ياللي منتنينه على خير من حين شفته مقبلٍ لي بمحياه **** بركت سبحانه وكني ابا آطير لا ما حلا من عقب عيناه حلياه **** تسدل جفونه بومضةِ اللي يبي يثير يا سعدي يوم اني نظرتِ لثناياه **** املألآت بعقدها وما بها ضير حفيف كشحينٍ هضيمٍ امثناه **** فارع رفيفٍ زاده في الحسن تعفير اغفلت عيني كن ما زولي حذاه **** وجلٍ من الهقوات من جانب الغير وانا آتحرى هرجته و آترياه **** اسرق عيونه لي نظر لي بتشفير يوم قال أشلونك؟ جاوبته أبهاه؟ **** ولبلبت ما عندي ومن غير تفكير صافي عسل منطوقه والزود بشفاه **** دَرَة سحابٍ ما نحت صوب تقصير يازين زوله ان حصل لي صفا ماه **** بروي عروقٍ تايقه للمهامير قلت العفو يا جبلة القلب وظناه **** يا جامع الخيرين من دون تخيير ملقاكم برابع ليومٍ عيدناه **** ونصير طيرين حوى جسمهم طير وقد حصل لي غاية القلب ومناه **** وظفّر به ثوبي في العرب اي تظفير؟ ربيع مربع زادني في هماياه **** احن له كحن هيمٍ على البير أم النجايب ناتقٍ بارك الله **** حصة حصابي مجلباتٍ من الهير اشراق شمسٍ زايدٍ دوم في ضياه **** وتغيب لي منها تبدت على الغير يا عل روحي كلها له تفداه **** مظنون عيني سابق المهر في السير هذا جزء من القصيدة (باقي النص فيه خصوصيه) لم تنشر الا في موقعكم المبارك وان شاء الله احصل على نقد وتقييم من اساتذتنا الأفاضل هالمره... |
وينكم يا نقادنا .... بوخالد وينك ... كني يتيم في هالموقع...
حد يلتفت بس الله لا يهينكم !!! |
اقتباس:
كنت انتظر من الشباب التعليق قبلي.. على العموم بمر في مشاركه اخرى بأسهاب..ودي تنتبه لأي خطأ املائي ..لأني اشوف فيه حروف كثيره زايده خصوصا في الشطور الاولى على سبيل المثال: من حين شفته مقبلٍ لي بمحياه حرف الباء زايد على الشطر..وعلى العموم زياده الحروف يسقط فيها شعراء كبار.. |
اقتباس:
بالنسبه للملاحظه فالمعنى لن يستقيم ان شلت الباء. أما بالنسبه للباقي فلا أرى أي اخطاء املائيه وبأمكانك نقدها. يمكن بعض حروف تقويم اللهجه مثل " جاوبته أبهاه = جاوبته (ب) هاه"، " أمثناه= مثناه". والباقي عاد عندك بوخالد، استفيد منك.. انا داخل الحلقه ولا أشوف نفسي.. المتلقي يشوف اكثر:) وبانتظار مزيدك بفارق الصبر. |
|
اقتباس:
شاكر مرورك وتشجيعك يا بومهند وكثر الله من أمثالك |
السليطي صح لسانك شاعر مبدع .
|
اقتباس:
صح بدنك و بعض ما عندك يا راعي حلوان |
صح لسانك اخوي السليطي
وشاعر مبدع وقصيده مثل راعيه جزله من جزل وفي انتظار الجديد تقبل مرووري تحيــ الهاجـس ــاتي |
اقتباس:
شاكر لك يا الهاجس وشي قليل مما عندك طال عمرك |
الساعة الآن 59 : 08 AM. |
Powered by vBulletin® Version 3.8.4
Copyright ©2000 - 2024, Jelsoft Enterprises Ltd.
جميع المشاركات ملك لكاتبيها