حسين بن شتوي الحبابي=
سلام تسليمه منهاجها مستقيم=والعود والطيب والريحان يبرالها
ياعائض المسردي راح الزمان القديم=وغبتوا وغبنا عن ام الخير وعيالها
عايض المسردي=
يامرحبا يالمسلم عد مابان غيم=ترحيبه عمها ياقف مع خالها
كان في الوضع ياوجه الرضا سين جيم=بقول حسبي علي الايام واهوالها
حسين بن شتوي الحبابي=
انا اعرفك شاعر واعي ولا انت بغشيم=ومن رؤس قوم حكا التاريخ بافعالها
كثروا ضحايا الحوداث في طريق القصيم =واعرف بعضها ولكن مال ومالها
عايض المسردي =
تسلم ويسلم لسانك وانت شاعرحكيم=والمرجله والله انكم خيره رجالها
في الموقف العسر مايسال حميما حميم=وعقال الاجواد تهرج دون جهالها
حسين بن شتوي الحبابي=
ناخذونعطي مع راعي الضمير السليم=ولنا طموحات باقي ما وصلنا لها
تبقي الزعامه زعامه والزعيم الزعيم=زعيمها حزه الماقف وخيالها
عايض المسردي =
فريد الاطرش يلاحي صوت عبدالحليم =والحلم والظلم في الطبله وطبالها
ياحسين حسن اسلوبك وافتهم يافهيم=واضبط معانيك في الشيله وموالها
حسين بن شتوي الحبابي=
ليت الردي يابن لالاشدق ماتت امه عقيم=وليت المطاليق مقصدها تهيا لها
حلفت ما اجامل الشعار بالله العظيم=وبعض الاساليب فال الله ولافالها
عايض المسردي=
محشوم والوسوسه حربه ابليس الرجيم=يطعن بها النفس حتي ينشغل بالها
والملعبه ودي انها مثل روضه خريم=والكلمه الطيبه ماذم من قالها
حسين بن شتوي الحبابي=
من بعدما ذعذع الغربي وهب النسيم =يامحلا الدله الشقراء وفنجالها
لما دعينا حضرنا لي دعانا كريم=ولانجي في عزيمه ما دعينالها

المشاركة الأصلية كتبت بواسطة وجــد (المشاركة 115673) صحت السنتهم ومحاوره رائعه سلام

المشاركة الأصلية كتبت بواسطة ناصر بن هذال ال شري (المشاركة 115838) شكرا لك موضوع يستحق التثبيت.

المشاركة الأصلية كتبت بواسطة ناصر بن هذال ال شري (المشاركة 115838) شكرا لك موضوع يستحق التثبيت.

المشاركة الأصلية كتبت بواسطة طيب الفال (المشاركة 124464) صح الله السان الشعراء وصح الله يد من قدم هذا الكلماااااااااااااات واخص بذلك ابو مسفر ولاهيب غريبه عليه الطيب ميجيب لاطيب طيب الله فاله