يالله يارب السماوات ياللي = وحدك ولا غيرك رفيع (ن) كبيري
لك جبروت الكبريا والتعلي =ولك ملكوت ارواحنا والمصيري
انت العزيز اللي تعز وتذلي =ومن لا نتصرته مايعيّن نصيري
يالله بضل من ضلالك يضلي = لاجا النهار اللي حسابه عسيري
ولاّ تحاسبني بما في سجلي = من العذاب الوذبك واستجيري
من( لي) لياّ كفيت رحماك من (لي)=انا الضعيف اللي لعفوك فقيري
وزد لي وبارك لي بما قد حصلي = انا من افضالك خذيت الكثيري
خيرك عليّ راهي ولا فيه قلي =فضلتني على اكثر الخلق غيري
لكن عسى ذا الزود ماهو بتبلي= ياخالقي وانت السميع البصيري
لاتمتحني ياجليل التجلي =حبل الرجاء في غير عفوك قصيري
لي مدة(ن) وانا بوضع يعلي = وضع (ن) هواجيسه تحوس المريري
حلاً عسى فضلك يعوضه بحلي = ويصير درب ابو الحمادي سفيري
برعايتك تفرش له الارض زلي = وبهدايتك تجّلا فؤاد الغريري
ينشى على الطاعه يصوم ويصلي = ويجّر للعليا بسلك الحريري
ويصير لاخوانه دليلا(ن) يدلي =على طريق اهل الوفاء المستنيري

ابو محمد صح السانك واسئل الله عز وجل ان يستجيب لدعائك ويبارك لك والله يخلي لنا محمد اللي عرف كيف يستخرج لنا هذا الابتهال الصادق من مناجم الشاعر المتمكن

الله الله الله الله يخلي لنا محمد ويخلي لنا ابو محمد