الا يا خالد ابن معدي نزعّلك ونراضيك=على وضح النقاء والعلم له نهجه ومدلوله
انا في ذمتي ماقول فيك وفيك مالا فيك =ولكن عيبك اللي فيك قلي ليش ماقوله

عقب طول البطا يالطرقي ارحب والله يحييك = تفضل والعلوم اللي تجينا منك مقبوله
لك الله كلنا نخطي لكن ياخوك وش حاديك = تفتش في عيوب الناس والاسباب مجهوله

يدوم بك البقاء ياللي ترحب والله يعافيك =ولا يستغرب الناموس من مربّاه وزحوله
خطايا الناس واجد والحقايق مابها تشكيك=ومثلك عارف(ن) ما ينقض المعنى ومفتوله

ليا رحبت بك هذا دليل اني بعد مغليك =على عز وشرف ونفوسنا بالطيب مكفوله
ابامشي معك في موضوعك اللي قلت واجاريك =لعل الكنترول يبين المستور وحلوله

على نهج الغلا ياخالد انهج هيك 00والا00هيك=يقولون ابو جوخ وجبخانه يضرب طبوله
وانا مدري تبي صرف الجواهر كاش والا شيك=تخيّر كيف تبغى صرفها والدار منزوله

تخيرني وحبل السالفه وخطامها في ايديك = وانا خابرك سباح البحر في عرضه وطوله
وانا ما ادري وش اللي دخلك في شي ما يعنيك= عليك الله اكبر كلمتك ماهي بمعقوله

انا أبغى حاجة في خاطري ياصاحبي وأبغيك =على درب الصحيح بعيد عن الازوال والضوله
انا اللي قلت شي(ن)واقعي في الحق ما يذيّك = واذا لك فيه أذاء فبعد من العامل ومحصوله

تبيها يا طويل العمر في هذيك ولا ذيك = على ماتشتهي ما عندي الا الغاز ابو كوله
ترى الميت يزيدك بالغبينه والكفو يحييك = وهذي كلمة (ن) من ساير العربان منقوله

مادام الغاز عندك ولعه وأبشر بمن يكويك=على فرغ الدماغ بميسمه والباقيه حوله
حياتي فوق قدرك واجتهادك غير لا يغويك=خيال (ن) غطرسي (ن)والمواهب فيه مصقوله

تداعا بالشفا واثرك مريض الله لا يشفيك = لعلك غرفة (ن) فـ شهار مقفوله ومعزوله
نواياك الخبيثه تنزلك فالقاع وترقيك = ويميني عن مصافح مثلك وشرواك مشلوله