وين أبو راكان في نجد والا في الجنوب = عندنا له دلةٍ والمٍ فنجالها
في زمانٍ مايعرف الصدوق من الكذوب = وأكثر الخبلان قامت تزيد خبالها

بعد ماضاقت بعايض وسيعات الدروب=ينشد اصحابه وهو داريٍ بحوالها
يوم هبت به علينا ذعاذيع الهبوب = مايركد غترة الراس غير عقالها

صاحبك في كل دربٍ يجمّل ومحسوب= مايعامل من لاصاحيب كون أبطالها
نحمد الله سالمين المشاكل والذنوب=من عطى المده نجازيه عشر امثالها

ما يعرف بنيتّك غير علاّم الغيوب =الله اللي يجزي الناس حسب اعمالها
صوّرتك الكيمره وأنت راضي ومغصوب =كل ما زاحوك عنها جلست قبالها

علم اللي يضمرون الظغاين في القلوب =وش عليهم من رجال الحجر وجبالها
صورتي من دون حدي ولافيها عيوب = كلمةٍ في الحق ربي معى من قالها

الليالي كل يوم تلبسلك بثوب = لو تصافحها يمينك عطتك شمالها
انت وشبك ماتهنا طعام ولا شروب = اتعبك شغل الجوازت في عمالها

الليالي تلعب براعي الغيّ اللعوب = لعبة أسهمها تحرم الرجال اموالها
وأنت بهذلت البزارين تنجيح ورسوب = فرصة اللي للمخايل (يحلبّ)اخيالها