منتديات بوابة جاش - قصيدة الشاعر/ فالح بن هادي في حفل الرسام

السلام عليكم ورحمة الله وبركاته

أقام الشيخ/ عبدالله بن سعد الرسام الحمالي

حفل للتكريم الشاعر / دبسان المهداني بعد فوزه في مسابقة شاعر الوطن

وكان الحفل في مركز جو وكان شاعرنا وعضو منتدانا / فالح بن هادي المسردي احد الشعراء

المدعوين فالحفل علما ان الحفل شارك فيه نخبة من الشعراء مثل الشاعر الكبير / سعد بن جدلان

الذي ابداء شهاته للشاعرنا فالح بن هادي بعد ان استمع للقصيدته فالحفل

واليكم قصيدة شاعرنا فالح في هذه المناسبه:

الشعر يبدع قاف بحرن ومضمون=وينهي دعاوي كايده بالسهوله
ولجات حزاته على بحرها امون=واسبح مع بحرها بعرضها وطوله
وأدور اللولو لجل يلفت اعيون=وإن مالقيته ماهو لازم أقوله
لكن لادعاني لازمي فالتلفون=اجيب الشوارد غصب لوهي جفوله
ودعوه من حماله لها قدر مكنون=وتستاهلون الطيب وأنتم زحوله
يأهل الوفاء والعز والناس يدرون=ويأهل الكرم والجود نسل الرجوله
من عادها بالحرب طاعن ومطعون=الرجل منكم صعب تحصى فعوله
ويوم انها وقفات داين ومديون=منكم جمل زومان شايل حموله
ايه عبدالله ويبقى وتبقون=ابن سعد فالازمه صوتوله
يعيش ابو رسام والطيب قانون=يامجملن ربعه ليا وقفوله
كفه كما سحب السماء له يخيلون=وفعله ثبت دايم على حسب قوله
اليا نخوه يفكله كم مسجون=فك العتيبي والرجال اشهدوله
هذا ولد شيخن على الطاله ازبون=سعد سعد ياسعد منهم لجوله
ولاهو غريب الحفل ياللي تهنون=ومن طيبكم كل القبايل عناوله
ومبروك يادبسان والناس يوحون=ياماخذن بالشعر كاس البطوله
صغت الجزايل بين ناقد وملسون=حتى تمثل شعر في وسط دوله
ويوم انها تصويت تثبت لك اركون=عاشوا شيوخن كل صعبن تنوله
أنته ولد مهاد ما أنته مغبون=ابشر بعزك والأمور امحلوله
منهو نخى قحطان مالحقه الهون=الكل منهم جاك يسرج خيوله
لو كان تخسر فوق عشرين مليون=مير المهم اسم قحطان افزعوله
قلته وأنا ربعي ذخر عزن وعون=الاد مسرد كل طايل تطوله
مسارده أهل الفخر حزة الكون=يوم الوغى والجيش دقت طبوله
لحزت ولزت جوك ماهم يهابون=ياللين تأخذ كم جوله وصوله
وذالليل امثلهم بشعرن له اشجون=وصووني اوصل سلامن يقوله
الشيخ جعفر يرسل سلامه وممنون=واللي حضر من لابته مثلوله
ودعوة ابو رسام لو فالتلفون=اجي لحفله لو ماني بحوله
وأختامها واعداد منهم يصلون=نذكر المعبود باعث رسوله