تكفون ياهل الشعر والفن والذوق = شوتو قليل المعرفه خارج النت
ترى قليل العرف جاهل ومطفوق = يجعل دساميل النشاما على بنت
يالطرقي اللي تاخذ الطاق مطبوق = ان جيت قلنا يا ابيض الوجه لاهنت
الموهبه ماهي بمندي ومسلوق = ماهي كما كانوا ولا هي كما كنت
نبي لها قصر على الضلع منتوق = حكمه وادب ماهو بطابوق واسمنت

ما فات شي وكل مطرود ملحوق =على الطريق ونحسب الميل بالسنت
نشوف مثلك كل سابق ومسبوق= لكن قلي يأبيض الوجه وين انت
لو أنت معنا واقف(ن) داخل السوق = مكان عينّا مثل مانت عيّنت
والله جعل للناس ميزات وفروق = والموهبه تطبع على الفارق برنت
والمعرفه تلعب على كل طاروق = لاشفت من يحسن لها قله أحسنت