عــــــِـــشــق الحـــــِـــــــكُم
عشق الحكم يا مثل مجنون ليلى=وليلى تعاني منه حكمٍ طويلا ما هم ليلى بعدهم كان من كان=من عقب ما عاشته همٍ ثقيلا لاعاد مجنون البخت طوطحٍ قام=وسوى له جمع من الشراذيم جيلا هذا يطبل له وهذاك يزفن=خلوا له ذاتٍ في صياح وعويلا إشلون ما تكبر سمادات الازلام؟!=وإخمامهم كبر القعد في المهيلا! يهدون أهل ليلى من الزود فضلات=أردى أكلهم ثم مع سوء كيلا ويا أهل ليلى! مثل قطعان الاغنام=يملا عليهم كل عوجٍ وميلا وكمٍ لليلى من غيورينٍ اصلاف=كالوا لهم إمن الدوادين سيلا ياما تمنوا غيرةٍ من أهلها=يرجون فيها للمهبه سبيلا غصوا بهم سِجّانهم في سراديب=ولا إسبقتهم في الخساسه مثيلا ودموع كم سالت ذرافات بالدم=ما هي من أوجاعٍ ولكن لليلى ويا قوة الله يوم راد الفرج، تم=وهبت جموع تنادي تحرير ليلى وياعوين ما ذاقوا لها اليوم بالشام=ما بين مذبوحٍ، وناجيْ وصميلا من حين ما فاقت من النوم هبت = جموع رجالٍ في الحمية سويلا وردوا عليهم مثل ثيران الاسبان=متعومسين الفكر وضاع الدليلا سلطات عميانٍ يقودون ثيران=إهياتهم في ليلهم والمقيلا لا من شرف ولا كرامه تلمهم=كم اهتكوا عرضٍ وخانوا الدخيلا قوادهم بشار ملعون الاسلاف=خنزيز ابن خنزير وأمه مثيلا متأله الملعون ويلقى الفخامه=واقذر قمامه تستحي انها تشيلا غدر ومكر موروث من ساس فجار=عباد نارٍ والخميني الظليلا حين انهقت قمٍ وفيران ايران= يستنقذون الوضع لا يزيد ميلا يال الثكالى كمِ صاحوا باهلهم=ويالجامعة تكفون ياالله الدخيلا حميةٍ مثل العربي ودابي=من جامعة خرفان حاكوا بليلا خمسة نجومٍ في اجتماعات فرهين=إبشوتهم ويا البدل تستخيلا يرجون ثم يرجون ومن هاللي يرجون؟=مثله روابض للمُهل تستطيلا جزاهم الله شر عن كل نفسٍ=ذاقت مرارت القهر والوبيلا نسألك يا ربي على الشام لطفك=وتفرغ عليهم كل صبرٍ جميلا حفظك لهم يا رب من كل باغي= تدم فيها كل خاين عميلا وتقبل شهادة كل من فات منهم=تشافي جرحاهم وتبري العليلا ونستغفرك يا رب من كل ذنبٍ=وعونك لنا في كل أمرٍ جليلا . |
صح الله لسانك ..........,,,,,,,,؟
ان كانت القصيده لك .......,,,,,,,,,,؟ مشكور على النقل .....,,,,,,,,..؟ أذا كانت ماهي لك .....,,,,,,..؟ّّّ |
يسلموووووووووووووووووووووووووووووووووووووووو
|
نسئل الله جل جلاله بأسمائه الحسنئ لهم بنصرآ يثلج قلوب المؤمنين الموحدين له لاشريك له
|
الساعة الآن 44 : 05 PM. |
Powered by vBulletin® Version 3.8.4
Copyright ©2000 - 2024, Jelsoft Enterprises Ltd.
جميع المشاركات ملك لكاتبيها