القناعة كنز
يا الله المطلوب يا قاضي الحاجه=رف بحال اللي لرحمتك محتاجي يرتجي منك الفرج عجّل إفراجه=ويتوسل بالدعاء ومنك الإفراجي واجه من ظروف الأيام ما واجه=وان قضى ظرف يجي ظرف مفاجي كل يوم فيه الآفاق منباجه=في عيونه مثل ليل الدجى الداجي وين ما يمم بها ضاق به فاجه=وأعترض له من طواريّه أفواجي وان بغى ينسى طواريه وإزعاجه=شاف من وقته كوابيس وإزعاجي يا لبيب القلب دنياك مواجه=من صدوف احذوفها ما حد ناجي عن خوافيها أكثر الناس سجّاجه=يحسبوها سجّة وفلـّـة حجاجي والصحيح إن كلمة الحق فلاجه=والحكم ما قالها كل هراجي ما كتب لك شفت سمحه ومنعاجه=ما عن المكتوب مهرب ومخراجي والصبر حصانة الرجل وسياجه=والبصيرة والعقل نور وسراجي والقناعة كنز والنفس حنـّـاجه=لا تضريها بكثر التحناجي عند من تخشى ليا جيته إحراجه=تحرجه وألا يسبب لك إحراجي الرجل يعرف دخوله ومخراجه=له سواة الذيب مسراء ومدلاجي دامت أقدامك على الأرض دواجه=كل فج لك من فجوجها فاجي خلها يا طيـّـب الفال سواجه=وان وردت أورد على جال هداجي والرفيق اللي على الطيب منهاجه=سايره بالطيب مع كل منهاجي لا تقول اليوم مانيب محتاجه=الفلك دوار والوقت حواجي والردي لو كان يضحك لك حجاجه=ودك انه من وراء ساحل العاجي حايل من دونه البحر وأمواجه=لان قربه علة ما لها علاجي |
صح لسانك يابو مبارك ...........
شاعر جزل ومميز ...إشتقنا لجديدك ..... |
صح لسانك
ويشرفني انك احد شعراء"ديوان شعراء شبكة جاش"الذي سيصدر قريبا ان شاء الله واخترت من قصائدك التاليه: • مراح مقيط. • ياسامع اسمع |
والصحيح إن كلمـة الحـق فلاجـه
والحكم مـا قالهـا كـل هراجـي والرفيق اللي على الطيب منهاجـه سايره بالطيب مـع كـل منهاجـي صح لسانك قصيده رائعه |
صح اللسانك يابومبارك 00000000000000قصيده رائعه |
والرفيق اللي على الطيـب منهاجـه
سايره بالطيب مـع كـل منهاجـي لا تقـول اليـوم مانيـب محتاجـه الفلـك دوار والـوقـت حـواجـي أشهد انها قصيدة كفو وشاعرها كفو .....صح لسانك مليون ياعبدالله |
صح اللسانك ..
قصيدة جزلة تشكر عليها .. |
اقتباس:
صح بدنك وتسلم وتدوم والله بعطيك العافية |
صح لسانك ياعبدالله جزل ومبدع دائماً وقصائدك تتميز عن غيرها ..!
|
والردي لو كان يضحك لك حجاجـه
ودك انه من وراء ساحـل العاجـي حايل من دونـه البحـر وأمواجـه لان قربه علـة مـا لهـا علاجـي صح السانك يابو مبارك |
الساعة الآن 03 : 11 AM. |
Powered by vBulletin® Version 3.8.4
Copyright ©2000 - 2024, Jelsoft Enterprises Ltd.
جميع المشاركات ملك لكاتبيها