مرثيه
السلام عليكم ورحمة الله وبركاته هذه القصيده مرثيه في الفقيد / عايض بن عيد الله يرحمه ويسكنه الجنه وهي موجهه لابنه عيد ياعيد بن عايض من الهم ماجور=توك على شيل الهموم الثقيله اصبر على دنياك لاتشكي الجور=واللي كتب مولاك مافيه حيله ياعيد بن عايض ترا ابوك منعور =ابوك رجالن يشرف قبيله ان كان قلبك بعد فرقاه مكسور=كم من نفوسن بعد فقده عليله ليت القدر ياخذ قبل جيته شور=ياكثر ناسن نعتمدها بديله ابوك راع الطيب بالطيب مذكور=ابوك كنه والوفا من فصيله ابوك اخذ بالمرجله والكرم دور=ابوك قل بالله من هو مثيله ابوك وجهه بالوفا يشع بالنور=يضحك حجاجه والمشاعر نبيله ابوك لا كبرت يبدا له الشور=يحلها لو كان هي مستحيله وفي بره بشيبانه القرم مشهور=خفض جناح الذل ساس الفضيله من تعب منهم جاه لو دونه بحور=يجي لهم لو المسافه طويله ومهما كتبنا فيه صفحات وسطور=تبقا مشاعرنا بعايض قليله عسى السحاب اللي تزبر كما الطور=يمطر على قبره ويدرج مسيله وياخذ سنين وقبر ابوعيد ممطور=قبرن يضم القرم والله وكيله وعساه بالجنه مرفه ومسرور=في جنة الفردوس يومه وليله في جنة الفردوس يسلا مع الحور=بجاه رب مايخيب دخيله واختامها واعداد ماشعشع النور=صلوا على المختار رمز الفضيله |
صح السانك يابو عبدالله 00000000000000ورحم الله عايض رحمة واسعه 000000000 |
صح لسانك يابو عبدالله ....
وعـسـاه بالجـنـه مـرفــه ومـســرورفــي جـنـة الـفـردوس يـومـه ولـيـلـه في جنة الفـردوس يسـلا مـع الحـوربــجـــاه رب مـايـخــيــب دخــيــلــه واختامهـا واعـداد ماشعـشـع الـنـورصلوا علـى المختـار رمـز الفضيلـه |
صح بدنك يابومحمد
ومرور شاعر بحجمك شرف يابومحمد الله يطول عمرك ومشكور على المرور مره ثانيه |
ابو فلاح
مشكور على المرور العطر وصح بدنك طال عمرك |
ابوعبدالله صح لسانك والله يرحم عايض تحياتي |
الله الله الله
عليك ياابو عبداللــه معودنا طال عمرك علي القصايد الذربه والله يرحم ابو عيد تحياتي |
صح لساااااانك ملااااايييين
و الله يتغمده بواسع رحمته لكن أتمنى من المشرفين تثبيت لأنها تستحق التثبيت **مجرد رأي** تقبل مروري |
الله يرحمه ويسكنه فسيح جناااااااته
ابو عيد فقيده علينا كلنا صح لسااانك وعلا شانك يا ابو عبدالله |
صح لسانك ياعيد .
والله يرحم الميت برحمته ويصلح عياله ويبارك فيهم . |
الساعة الآن 49 : 06 AM. |
Powered by vBulletin® Version 3.8.4
Copyright ©2000 - 2024, Jelsoft Enterprises Ltd.
جميع المشاركات ملك لكاتبيها