قحطــــــــــــان ( عيــال العــود ) .
بسم الله والصلاة والسلام على رسول الله أعزائي إدارة ومشرفي وأعضاء وزوار بوابة جاش السلام عليكم ورحمة الله وبركاته . وبعد يشرفني ويسعدني أن أسجل أسمي ضمن هذا الموقع العامر بأصحابه وأعضائه وزواره ( بوابة جاش ) أسم ومنطقه تهمني وأهمها مني وأنا منها ديرة ربعنا المسارده ولد الحارث عبيده ، وتواجدي أعتبره واجب لما يخدم ربعي وديرتي .. وأتمنى أن أقدم مايرضي الجميع . أخوكم الشاعر / عبدالله بن شايع الزهيري القحطاني . ـــــــــــــــ
سـلام الله سـلام ألــذ وأحـلى مـن حـليب الـنــــوق = سلام يفـوح من طيبه بريح المسك والكــــادي على ربعي هــل الطـالات وأهــل المستـوى اللي فــــوق = قـحاطين ٍ لـنا الـتاريخ يشهـد من عـصر عـــادي سـلاطـين العـرب وافـيــن قـولٍ ثـابت موثــــوق = مواريث الـفـخـر والمجــد من ماضين الاجــــدادي فخرنا الأوس والخزرج سناد الصادق المصــــدوق = وفخـرنا عـمــر ابن معـدي كـرِب شجاع وقيـــادي وفـخـرنا حـاتـم الـطائي مـثـالٍ بالـكــرم مـرمــــوق = تـواريــخ ٍ تـــدرّس فـي الـكـتب لــجـيـال واحفــــادي مـن الماضي وحاضرنا نماري بـه على الطــــاروق = مـادم انـه شـرف نعتـز فـيه جـمـوع وافــــرادي لنا بالـطـيب منهــاج ٍ عـلى العليا نـسـوقـه ســـــوق = قـبــايـل لـلـشــرف والـعــز والـنـامـوس روادي بني عـمي عـبيده سيـف هـنــدٍ لـلمعـادي عــــــوق = عيون الصف الاول سـلـم ولا حـرب وطــرادي وجمع شـريّف قــومٍ بالـمـواقـف لـلنواضـر شـــــوق = أهـل وجــه وجــاه ولـلعـداء ســــم ٍ بالكبــــادي وفــرســان الـجـحـادر بالنــوادر مـالـهـم مـلحــــوق = نـجــــوم ٍ نسـتــدل بـهـا ولـلـعـــدوان هجــّـــــادي وسـنحـان الـظفـر والعرف رمــح ٍ حامي ٍ مـفـتــــوق = على العيّـال من ضربه تعاف النوم والـــزادي وصبـيان الحباب اللي على الهـيجى وسـاع طــــروق = شغـامـيـم الرجـال اللي لحـوض الـموت ورّادي بنـي بـشـــر ورفـيـــده بالـوفـا والمعـرفـه والــــذوق = لـهـم شــان ٍ كـبـيـر وفـي الـلـوازم درع وسنــــادي عـيـال العـود أهــل عــز وعــزم ٍ بالـنقـى مـرفـــوق = لـنـا عـــــدّ وحــــدّ ٍ نفـتخـر بــه بين الاجـــوادي شمال حـدودنا في نـجــــد كــلـه فـاهـق ومفهــــوق = عـلى نـجـــد الـعـذيّه باسطين ٍ حاضر وبـــــادي جـنوب حـدودنا نـجـران وتهــامـه ورى الشاهــــوق = ومـن غـرب شهران وشرقنا من يـام لي الــــوادي إلى شرق الحســاء وبقـيق ناطى خــدها المطــــروق = على وجــه الخـريطه كـلهـا مصدر وميرادي حـميـناهـا وحـلـنـا دونـهـا يــــوم العـوادي طــــــوق = بحـــدّ سيـوفـنـا مـن كــل طـمـاع وحســــادي ولا عـلى الـقـبـايـل زود كـــل ٍ لـــه فـخــر وحقــــوق = وكـل ٍ دون حـقــه يعتزي وعـيونه حــــــدادي وحـنـّا كـلـنـا روح وجـســد واحــد ودم وعــــروق = جـنـود لـلـوطن بارواحـنـا من دونــه نـفــــادي على شبه الجزيره فى ذرى أهـل البيرق المدقــــوق = صناديد الملوك اللي لهم تاريخ وأمجادي |
الله يعطيك العافيه..قصيده جزله..
ونتطلع للمزيد.. والله يحييك في منتداك وبين ربعك.. |
ابو شايع ارحب
الحقيقة قصيدة جزلة صح لسانك ولاهنت على هذه القصيدة الموسوعة التي شملت فيها جميع قبائل قحطان باسلوب فريد ومعاني جزلة . تقبل خالص إعجابي وننتظر منك المزيد |
ارحب يابن شايع
تستاهل التثبيت |
ابو شايع مرحباً بك مليون
ولقد تشرف المنتدى بتواجدكم وارجو ان تقبل هذه المداخله
هلا يامرحبا مليون بالشاعر رفيع الذوق = هلا باللي مع الشعار له مصدر وميرادي هلا بك يابو شايع وانت عارف والحقوق حقوق = يجيك العلم والاخبار مع سماعة الرادي جهل ولا خطاء ولانسيت وخانك الطاروق = لهم مابين صفوى والحساء هجري وميلادي |
ارررحب ياعبدالله والله يحييكـ وتو مانـــور المنتدى طال عمـــرك وصــــــح لسانكـ وبيض الله وجهكـ بيااض الثلج وسعيدين بانظمامكـ لاعضاء جاش اكــرر ترحيبي وبانتضـــاااار جميل مشاركاتكـ ( اخوي مناحي : لاهنت يالقرم وصح لسانكـ ) دمتم بـــــوود .. لمشاهدة مشاركات هذا القسم يجب ان تكون مشاركاتك 10 أو أعلي. عد مشاركاتك حالياً 0 . ...تحيــــاااتي القلبيـــه... ...مع خــااالص احترامي وتقديــري... ....اخوكـمـ.... ©.¸¸.© خيال القروى ©.¸¸.© |
أخي معدي المسردي هلا وغلا والشرف لي طال عمرك
أقول بك البقى وتدوم لك ياوافي المنطوق = على علمٍ ينومس والمراجل كسب الاجوادي أنا ماني بجاهل والخطاء مانجلبه للسوق = ولانسمع محطاتٍ تذيع بدون عدادي ذكرنا في الحساء وبقيق والفارق من المفروق = يعود الأصل عند شريف رحُالٍ وقُعادي وعممنا عيال العود والعمه تجي من فوق = ولا للراس محدار ٍ ولا للسيل مسنادي |
أبو خالد
هلا وغلا شاكر مرورك الكريم لا عدمناك حفظك الله |
اقتباس:
جاش نت صح بدنك ياغالي شاكر مرورك الكريم وكلامك الثمين لاعدمتك الله يحفظك |
السلام عليكم ورحمة الله وبركاته
نرحبك العضو الجديد عبدالله بن شايع الزهيري في منتداك والحقيقه ماتركت لنا شي نقوله خصوصا مع هذه القافيه الصعبه ولكن تقبل من اخوك هذه الابيات:
عدد مانسنس الغربي ولاحت في سمانا بروق= وعليـك السـلام ورحمـة الله والمخلـوق= قصيدتـك جزلـه وافيـه مالحقهـا عـوق= وسلامتكم |
الساعة الآن 50 : 06 AM. |
Powered by vBulletin® Version 3.8.4
Copyright ©2000 - 2024, Jelsoft Enterprises Ltd.
جميع المشاركات ملك لكاتبيها