دوروا لي ولد حيبان طول غيابه = ما اتصل بي ولا حتى طرته الزياره
اتعبتنا القرايه واتعبتنا الكتابه= استلمها واعرفك تكتفي بالأشاره

ياهلا مرحبا باللي عزيزٍ جنابه = لو يقل التواصل مايقل أعتباره
تحسب انك تشكل فارق في التشابه =لا تزال ألاصايل تستحل الصداره

البقا يا عميل حاسبين حسابه = كل ما طالت الأيام يكبر وقاره
الخناذف تبي ترضي خواطر شبابه = غير راعي القرار أخطى وصدر قراره

يابو عبد العزيز الغيب ما يندرابه =كم وكم من حسابٍ حسب واصبح خساره
بين حق الصديق وبين حق القرابه =ويش دخل الاداره يامدير الاداره

صاير صار حتى لو ماودنا به = اعتبرها مثل عملة بنوك التجاره
الله اللي ومر لك بالعشا يالذيابه = من سنام القعود الطيب ومن فقاره