المدح كايد
بسم الله الرحمن الرحيم قصيدة للشاعر حمد بن هادي المسردي رحمه الله ينبذ فيها المدح في من ليس أهل للمدح لغرض المال وذكر فيها صور لكرماء عبيدة والمساردة. المدح كايد
قالوا لي أقصد في فلان قصايد=ثم امدحه يعطيك موتر مكافاه الشاعرقلت أمدحه وشلون والمدح كايد=ما يمدح إلا الي طروقه مخلاه "فلان" لا ينقص ولا هو بزايد=والمدح ما هو له ولا هو بوياه المدح للي يرتكي للشدايد=المدح لحمود الجهيمي وشرواه والشيخ إبن شفلوت مقدم عبايد=مترك هو الي ترفع الراس طرياه وإلا إبن سمرانٍ صدوق الوعايد=معجب محمد جعل الأنذال تفداه وإبن شبيب القرم دسم الموايد=مناحي الي تذبح الحيل يمناه وإلا ولد فالح حمد من يكايد=ويقاوي العسر بزمانه مقاواه أمدح حمد حيث إن لفعله شهايد=ماهوب لأجل إني من أقر ب دناياه وإلا إبن خربوشٍ ولا هو بعايد=راجح عسى الجنة مقره ومثواه شيخ علينا من كبار الفقايد=يا كبر فرجة راجح اليوم كبراه والأجواد واجد ما عليهم زوايد=لكن نعد الي سمعنا وشفناه ذولا الحلاحيل الزحول التنايد=ذولا الأسود أبنا الأسود المضراه ذولا الذي والله تجوز النشايد=فيهم وكلٍ منهم المدح يزهاه ولا الردي لو مدح ما هو بفايد=والمدح ما هو داري ويش معناه حي القروم أما الرخوم الفسايد=ما للرخوم وجيه عندي ولا جاه حمد بن هادي المسردي رحمه الله |
أنا اشهد إن المدح كايد والأشخاص اللي مدحهم رحمه الله يستاهلون المدح وأكثر ..
يعطيك العافية يالكاسر على الجهود |
الله الله .. كنت أبحث عنها كامله ولكنني وجدت إختلاف عن الشريط المسجل بصوته وديوانه المقروء.
عموماً هذولا اللي يستاهلـون المدح وهم أهلً له .. وعسا الله يرحمكـ ياحمد تقـول ياكبر فرجة راجح اليوم كبراهـ .. وأنا أقول ياكبر فرجة الشعر عقبك ياحمد كبراهـ .. |
الله يرحمه ويرحم جميع من ذكرو احياء كانوا والاموات
شاكر لك يالكاسر على القصيده الرائعه |
إخواني الغالين
مشكورين ولا هنتوا على المرور |
شكرا على قصيده
|
مشكــــــور
|
حي القروم أما الرخـوم الفسايـد ما للرخوم وجيه عندي ولا جـاه الله الله الله يرحمه ويسكنه جنات النعيم لاهنت الكاسبر على العرض |
الله يرحمه انشالله
والممدوحين بالقصيدة يستاهلون شكرااا اخوي الغالي على القصيده |
نشكر من نزل هذا القصيد والى خصوى بالقصيدة صحيح هم فعلا يستهلووون الله يرحم من ماااات منهم ويطيل عمر من بقاء منهم على طاعه الله سبحانه وتعالى
|
الساعة الآن 13 : 09 AM. |
Powered by vBulletin® Version 3.8.4
Copyright ©2000 - 2024, Jelsoft Enterprises Ltd.
جميع المشاركات ملك لكاتبيها