يالعبد لو تملك ملايين بالبنك

[ابورطبه]

[align=center]يالعبد لو تملك ملايين بالبنك
ماتنفعك مادمت لله عاصي
تدري وش اللي يجلب الضيق والضنك
إن كان ماتدري تراها المعاصي
وان كان تدري يافتى خلها عنك
من قبل يوماً به تشيب النواصي
ترى بلاك وعلتك كلها منك
مار اسأل المعبود منها الخلاصي
وارجع قبل في باطن الأرض ندفنك
ماينفعك لامت داني وقاصي
لاضامناً حياُ ولا حي يضمنك
ماللبشر عن مايقدر مناصي
واحذر تصير النار دارك ومسكنك
اللي حرارتها تذيب الرصاصي
وممشاك مع رجلاُعزيزاُيثمنك
ينفعك لاجا في السنين اختباصي
يمشي قدر واجبك ماهو بهاينك
يكمل مطاليبك ليا جيت ناصي
يعجبك لاحطيت مثله على ايمنك
قرماُ يحل المعضلات العواصي
واحذر تماشي واحداُ مايواطنك
اليا بدالك واجب(ن) عنك حاصي

منقول][/align:f8cf490939]

[ناصر بن هذال]

سلام



أبو مفلح مشكور على هالقصيده وعلى هالجهد المتواصل.



وخلنا نشوفك ياخوي.

[ابورطبه]

مشكور علي المتابعه يابو (جودددددددددددددد) انت في نوبه وانا في نوبه مختلفه لكن عن قريب انشوف بعض ان شاء الله
وتقبل تحياتي ]