رثائية مسعود بن فاهده رحمه الله للشاعر جبران القحطاني

[سعيد]

[poet font="Simplified Arabic,5,firebrick,normal,normal" bkcolor="transparent" bkimage="backgrounds/24.gif" border="none,4,gray" type=0 line=200% align=center use=ex length=0 char="" num="0,black" filter="":938ae3fbfd]
عزيت نفسي قبل أعزي لشهران = وعزيت أنا ربعي صغيرٍ وشايب
وعزيت لآل كناد وعزيت قحطان = وعزيت من قلبه من الحزن ذايب
وعزيت بيت الفاهده أب وأخوان = وعزيت أنا عياله وكل القرايب
وعزيت في مسعود ربع وجيران = وعزيت في مسعود حتى الركايب
وعزيت محتاج وعزيت ضيفان = وعزيت في مسعود حاضر وغايب
وعزيت في مسعود شيوخ وصدقان = وعزيت في مسعود حتى الهبايب
وأنا أدري إن الموت منزل بقرآن = أمرٍ من المولى منشي السحايب
أمره ليا ما قال للشيء كن كان = يامر ويجعل لكل شيء سبايب
لاشك فرقا مثل مسعود خسران = وجرح على فرقاه ماهوب طايب
خسارته يرجح بها كل ميزان = وأنا أشهد انها من كبار المصايب
يارب تلهم أبوه صبرٍ وسلوان = وتجبر عزا شهران شيخٍ ونايب
وتجبر عزا شهران حضر وبدوان = بشيخٍ رحل فوقه تراب ونصايب
وأخص ناهس بالعزا سر وإعلان = بشيخٍ رحل عنهم يسد النوايب
يالله يامنزل تبارك والإنسان = يا قابلٍ عبدٍ من الذنب تايب
تجعل له من الذنب عفوٍ وغفران = وتجعل مكانه في جنان الرغايب
وتجعل مصيره في جنان ورضوان = في جنة فيها زهور وعشايب
في عالي الفردوس ياعالي الشان = وفرّج عنه يالله جميع الكرايب
وتعوض أبوه بمثل مسعود شيخان = بعياله ولاهي عليهم غرايب
عسى العوض في اللي مثل طير حوران = عبدالله ابن له علومه عجايب
علّمه أبوه وصار عارف وفهمان = صقرٍ ليا هده يجيب الكسايب
وهاذي تعازينا تقدم لشهران = كتبتها وأنا دموعي سكايب
[/poet:938ae3fbfd]