المساعد الشخصي الرقمي

مشاهدة النسخة كاملة : جوال الكاميرا للشاعر جبران القحطاني


سعيد
06 / 04 / 2005, 51 : 12 AM
[poet font="Simplified Arabic,4,indigo,normal,normal" bkcolor="transparent" bkimage="backgrounds/6.gif" border="none,4,gray" type=0 line=200% align=center use=ex length=0 char="" num="0,black" filter="":396990728d]
الله وكبر يازمان مضى لي = وقت مضى لي قبل تسعة عشر عام
يا معجل الأيام هي والليالي = راحت سنين العمر عام ورى عام
وقمت أتذكر يوم وقت الرجالي = وقت ليا سولفت لك قدر وكرام
ليا صار في المجلس كبير هلالي = وسوالفه مابين علم وتعلام
وجاب السوالف والعلوم الجزالي = سوالف تجلي عن الكبد الأوهام
سوالف عن النشاما تقالي = ما هي بلا كذب ولاهي توهام
وكل تسمع فيه حتى العيالي = حتى الصغير اللي عن الفرض ما صام
سوالف تنعد عد الريالي = ماهي سواليف الجرايد والإعلام
سوالف نقص وبعضها خيالي= سوالف الصحاف في حرب صدام
واليوم جا شيء يهد الجبالي = وصبحت مما شفت يالربع منظام
ليا جيت في المجلس تشوف الهوالي = كنك بدولة كفر ماكنك بسلام
سوالف هزله وهلها هزالي= ورسايل البندا خلاعات وأفلام
اللي يروج للفتن ما يبالي = هايم وفي وادي المتاهات قد هام
عسى له من عند ربي زوالي = وأخص أنا اللي سار في درب الإجرام
ما يعرفون المشتبه والحلالي= وصاروا كما الريموت بايدين الأخصام
ساروا على نهج العدا والضلالي= وتفاخروا حتى بدقات الأنغام
من شافهم يمكن يصيبه هبالي = وإن صابه هبال فلاهو بيلام
وارجو السموحه في نهاية مقالي= والله يحمانا مزلات الأقدام

[/poet:396990728d]

أبو فـلاح
13 / 04 / 2005, 40 : 11 AM
أخي سعيد يعطيك ألف عافية
وصح لسان الشاعر ..فوالله ان هذا هو حال مجالسنا
لا سوالف تطلق الوجيه ولاتقدير للشيبان
الله المستعان.

كونان
13 / 04 / 2005, 24 : 03 PM
بعض المجالس يتكلمون عن جوالات الكاميرة

لكن ما شا الله بعضهم ما تمل من القعدة وبعضهم يعطيك خارطة جدة في صلة القرابة(طبعا جدة لأن تصميم الشوارع فيها مثل خرابيش الدجاج مو مثل الرياض )

مرة كنت أحد الشيبان وسألني من انت والده قلت له انا ولد فلان الفلاني

قال دري وش يصير لي؟؟؟ قلت لا

قال انا أصير ولد خالة عمة ابو جدك السابع من طرف خالة عمة جدة خالة جدتك العاشرة :16:
مع احترامي لشياب المنتدى :21:

سلطان آل حيدان
14 / 04 / 2005, 19 : 02 AM
[blur:f3d816278e][align=center:f3d816278e]مشكور على النقل
صح ألسان الشاعر[/align:f3d816278e][/blur:f3d816278e]

محمد عوض الجربوعي العبيدي
24 / 04 / 2005, 01 : 10 AM
صح لسانك ياجبران

على هالقصيده الرائعه

التي تحدث عن واقع نعيشه

ومشكور


كونان / وشلونك عساك طيب

وشقومك على جده نفدا خشمك

ترها غالية على قليبي