ياطيب من يذكر مع الناس بالطيب

[خالد بن معدي]

[poet font="Andalus,4,white,bold,normal" bkcolor="black" bkimage="" border="none,2,white" type=0 line=350% align=center use=ex length=0 char="" num="0,black" filter="":01dbad6317]
ياطيب من يذكر مع الناس بالطيب"="يغيب والعالم تناقل طواريه
تركز له البيضاء برؤس المراقيب"=" وتفرش له البيداء من الهيه للهيه
مشى مع درب على غيره تعيب"=" وصبر وجهاد لين حقق مساعيه
هذاك أبو محمد عطيب المضاريب"=" معجب ليا عدو كبار المواجيه
كريم سبلا في الليالي المجاديب"=" غطى على حاتم وجوده وماضيه
المرجله والطيب عنده معازيب"=" إلا يحوش الطيب والعز بيديه
أهو ذرانا لاعوى الذيب للذيب"=" لضاقت الدنيا علينا نحاكيه
عزوت بني عمه وفزعة لجانيب"=" زيزومها لصار للعلم مافيه
بسمه شربنا من نقي المشاريب"=" وناصل مقاصدنا بصيته وطاريه
الله رفعه من المناقيد والعيب "=" وكل القبايل من مواقفه تغليه
يكرم جنابه من جميع العذاريب "="لا والله إلا الله يعزه ويحييه
وختامها ما تشرق الشمس وتغيب"="ياطيب درب راعي الطيب ماشيه
[/poet:01dbad6317]

هذة الابيات إهداء مني للوالد العزيز الفريق معجب محمد

الشاعر / خالد معدي ابن سمران

[ابوعساف]

[align=center:ad7f3b02f5]اخي العزيز خالد
صح لسانك على هذه الرائعه
وابو محمد يستاهل وكلنا نفتخر فيه
وننتظر منك المزيد انت والمطوع
تحياتي[/align:ad7f3b02f5]

[المثالي]

يستاهل أبو محمد وهذا قليل في حقه لما قدمه من أجل قبيلته وهو عز وشنار لقحطان

[ابو طلال]

ابو محمد يستاهل والناس يشهدون انه الشخص الذى له افضال حميدة على اغلب جماعتنا

والله جعله فى موازين حسناته ابو محمد

[الساحل الغربي]

[align=center:d483897b91]يعطيك العافيه ويستاهل ابو محمد
لاكن مانكبنا الا التشهير ودي انه سفير ولا مستشار في الديوان الملكي ولا الهيئات العالميه لاكن حنا البداوه استعجلنا عليه وحرقنا النقتف حقه الله يوفقه لطاعته واتمنى انه يرجع الى صالات القرار في الوطن الغالي!!!!!!!!!!!!![/align:d483897b91]

[ابورطبه]

صح لسانك يابوشهد علي هذي القصيده الرائعه ( ابو محمد يستاهل ) وانا اعتبره عندي مثل مفلح ابن مسعود او ابو عائض الله يرحمه



تقبل تحياتي

[ابن غوينم]

صح للسانك يابوشهد وابو محمد يستهل الله يطول بعمره وتعتبر يابوشهد منافس قوي للشعارنا في الجبيل وبديه قويه في النظم والمحاوره والى الامام