ناصر بن سالم
29 / 10 / 2004, 50 : 06 AM
ليه ياقلبي
-
ضاق صدري بالهموم وضقت فيه=ضيّقه واخطا علي قلب الخطا
مبتلـي جسمي وعقلي مبتليه= انوـلد بالعنجهيه ثم شطى
قلت له يا قلب ليه ومية ليه=ليه مع درب الهوى تحث الخُطى
سلمى صارت يا خفوقي بنت بيه=تنام والدبدوب من تحت الغطا
تقرط الفشفاش دايم تشتهيه= ونجمها السوبر تربّع وامتطا
فات وقت الحب لا تبكي عليه=وطردك الفايت ترى اكبر خطا
انتبه لــلوقت واحـسب يا نبيه=شوف سيف الوقت بالهامه سطا
انتصف يومي وانا والله ما ابيه=ينتصف لكن مشيئة من عطــا
راح بـرد الصبح واللي مقتفيه=حــر جفف نبع يارده القطــا
وانرعى حزم المجاهيم النّزيه=واصبحت وايّا المغاتير خِلطــا
برّكت بمراحها عُفر الوجيــه=غصب حلّـت لا نذير ولا وسطــا
وقت مثل السيل ما اقدر اجاريه=ليا انحدر مع درب جَدّه للوطى
انصحك يا قلبي تصغي للفقيه=وما ثبت عند البخاري او عطا
قال يا رجّال زادي بشتريه=ومذهبي خير المذاهب اوسطا
درب خير وعز والثاني ما اجيه=لو تمادى الوقت او طال البطا
-
ناصر بن سالم
-
-
ضاق صدري بالهموم وضقت فيه=ضيّقه واخطا علي قلب الخطا
مبتلـي جسمي وعقلي مبتليه= انوـلد بالعنجهيه ثم شطى
قلت له يا قلب ليه ومية ليه=ليه مع درب الهوى تحث الخُطى
سلمى صارت يا خفوقي بنت بيه=تنام والدبدوب من تحت الغطا
تقرط الفشفاش دايم تشتهيه= ونجمها السوبر تربّع وامتطا
فات وقت الحب لا تبكي عليه=وطردك الفايت ترى اكبر خطا
انتبه لــلوقت واحـسب يا نبيه=شوف سيف الوقت بالهامه سطا
انتصف يومي وانا والله ما ابيه=ينتصف لكن مشيئة من عطــا
راح بـرد الصبح واللي مقتفيه=حــر جفف نبع يارده القطــا
وانرعى حزم المجاهيم النّزيه=واصبحت وايّا المغاتير خِلطــا
برّكت بمراحها عُفر الوجيــه=غصب حلّـت لا نذير ولا وسطــا
وقت مثل السيل ما اقدر اجاريه=ليا انحدر مع درب جَدّه للوطى
انصحك يا قلبي تصغي للفقيه=وما ثبت عند البخاري او عطا
قال يا رجّال زادي بشتريه=ومذهبي خير المذاهب اوسطا
درب خير وعز والثاني ما اجيه=لو تمادى الوقت او طال البطا
-
ناصر بن سالم
-