قصيدة محمد بن راشد بن الذيب .....حقا رائعه

[العــجــمــي]

السلام عليكم كيف الحال
هذي قصيدة الشاعر القطري محمد بن الذيب العجمي(الابهق)
والقصيده ماعليها كلام

اترككم مع القصيده

[center:5b3d53f6c2][table=width:80%;background-color:transparent;background-image:url(backgrounds/6.gif);:5b3d53f6c2][cell=filter:;:5b3d53f6c2][I][align=center:5b3d53f6c2]


قالها إبن الذيب من هاجوس باله
كلمة(ن) يلعب بها والبال زينـي
قالها يومه طرالـه مـا طرالـه
من هواجيسٍ تشيب المرضعينـي
غرّني بعض الرجال بكثـر مالـه
مادرى إن الموت في حبل الوتيني
كيف ينفعني وبعض الناس خاله
ما يقوم البيت دام الساس طينـي
ماش وين اللي عوايده الشكالـه
مثل إبن ظافر حمد ليته يجينـي
الثنا والجود دايـم فـي خيالـه
علّمه ظافـر سلـوم الطيّبينـي
جـوّد العليـا ولزّمهـا عيالـه
وأدركوا من علمته دنيا ودينـي
واهني من باع حظّـه وإشترالـه
سار في درب النبي وأخزا اللعيني
موقفـه ماكـل رجّـالٍ ينـالـه
ومن بغا ممشاه يقعـد مرّتينـي
وكم ذبح من حايلٍ من حر مالـه
وعادته لطمة خشـوم لعايلينـي
حالفٍ ماخذ على الطرقي ريالـه
وبالثلاث محرّم إنها مـا تجينـي
لا لقيت اللي على السكّه لحالـه
يلتفت ويقول : وين المستحينـي
أوقف الموتر حيا وأبغا الجمالـه
يوم ولد اللاش وجهه ما يلينـي
والطمع في كرّوة الرجلي رذالـه
خصّ به وإن جا مجال الغانميني
والردي في حالةٍ ماهيـب حالـه
يا عوينه مـن كـلام الطيّبينـي
الولد وان طاب قالوا :من خواله
وان تردى تر خوالـه خايبينـي
الولد وان طاب طيبه من خوالـه
بالخوال يسـال قبـل الوالدينـي
وأركبه لعيون مـن زيـنٍ دلالـه
ما تحاكوا في قفـاه الرامسينـي
ما بغى غيري وأنا مابغـا بدالـه
قاعدٍ لي بالرجـا مـدّة سنينـي
ما قعدنا فالعمـل نبغـا الرزالـه
ناخذ العليـا طريـق الفايزينـي
وأشرب الفنجال وأكـب البيالـه
تابـعٍ سلمـي سلـوم الأولينـي [/align:5b3d53f6c2][/B][/cell:5b3d53f6c2][/table:5b3d53f6c2][/center:5b3d53f6c2]

وسلامتكم

صح لسان شاعرنا المبدع

[خيال القروى]

[align=center:f0adef402d]مرحبا يالعجمي

ولاهنت على هالاختيار الرائع

يعطيك العافية

اجمل التحايا[/align:f0adef402d]

[عيد بن عبدالله بن هرسان]

الاخ/العجمي مشكورعلى طرح هذه القصيده

ولكن للتصحيح القصيده لوالده راشد وليست للابهق


تقبل تحياتي

[العــجــمــي]

يامرحبا بكم

وشكرا على المرور

والقصيده للولد وليست لوالده
وانا ما اجيب الا العلم الصحيح :lol:

[الفهري]

[align=center:c2a7c0c2b5]أخي العجمي


شكراً على الاختيار الطيب لهذه القصيدة التي ذاع صيتها وانتشرت بشكل لافت.

بقي ان اقول ان الشاعر ليس بقطري بل على الاقل عندما ابدعها كا ن سعودياً
وقد كان يعمل في ذلك الوقت سائقاً في شركة ارامكو وقد كانت الشركة تمنع سائقيها
من اركاب المارة سواء بأجر او بدون اجر . الا ان شهامة شاعرنا ونخوته غلبت على النظام
بعكس احد زملاءه السائقين الذي رفض ان يركب احد المسافرين وهي بداية القصة والقصيدة
بقي ان اقول ان الشاعر توفي في مدينة نجران .

فقط للمعلومية.


بقي ان اقول :
ان البيت التالي:
الولد وان طاب قالوا :من خواله
وان تردى تر خوالـه خايبينـي

محرف حسب اكثر الروايات والبيت الذي يليه هو الاصح .

بقي ايضاً ان نطلب منك ان كنت تعرف قصائد المعارضة لهذه القصيدة ان تتحفنا بها
وان كانت اشهرها القصيدة التي منها البيت التالي:
عندنا ابن حسين يفعل ما طراله+++++ طيب وي حب سلم الطيبني


تقبل اطيب التحايا واعطرها[/align:c2a7c0c2b5]

[العــجــمــي]

ياهلا بك يالفهري
السالفه اللي قلتها لابو الشاعر راشد بن الذيب
وسموه الذيب لسالفته هذي:
كان معروف بالشهامه وطيبة النفس وكان معروف عنه اذا واجه احد من اللي يمشون بالطريق ياخذه معه ويوصله مكان ما بغي وبدون اجر
وفي احد الايام كان يمشي على ونيت وقابل عجوز معاها حمار قالها اركبي يايمه لكن الحمار ماحنا بشالينه معنا قالت ليه قال انا ما اشيل حمير معي الوكاد انها قالت له بيت من الشعر وثم قالت خلاص توكل على الله الحين بيجي الذيب ويشلني معه (تقصده هو ) وهي ماتعرفه بس تسمع عنه
قالها علي الطلاق ان تركبين انتي وحمارك وانا اخو صيته


والقصيده اللي ذكرتها بأدور عنها باقرب وقت وانشاء الله اجيبها

[ناصر بن سالم]

سلام من القلب

اخي العجمي

انا هنا اولاً لوجود اسمك الذي ارتبط بكل علمٍ غانم


ولا اخفيك انني عندما اقرأ ما تتحفنا به اشعر وكأنني ابعث من جديد


وان كان هناك شيء يحيي القلب ويجلي الهموم بعد الكتاب والسنه فهو هذا العبق الفواح

المنبثق من رياض كتاباتك او ان صح التعبير اختياراتك المميزه


وهذه حقيقه وليست مجامله


وعوداً الى القصيده اقول

ان كانت للوالد او للولد

وان كان الشاعر سعودياً او قطرياً

فهي تعكس جوهر الشخصية المحببه الى الله وخلقه

شخصية من يعطي الرجولة حقها ويستحق كلمة رجل


والقصيده في حبكها وسبكها ومعانيها وسلاستها قمه رائعه


والاروع هو اختيارك


وارجو ان تتقبل مني الشكر على هذه القصيده

وصح لسان الشاعر


وتقبل تحياتي

[عيد بن عبدالله بن هرسان]

الاخ/ العجمي


ليش مايفهم الشعر الا انت؟؟؟؟


القصيده لراشد وعمرها اكبر من عمرك وعمر الابهق

واذا كنت شاك اسأل اللي اكبر منك سن

ما ادري ليش مصر على رأيك رغم انه غير صحيح ومثل ما قال ابو عبد الله الولد والوالد حالهم واحد

[العــجــمــي]

ناصر بن سالم يامرحبا بك والله انك شرحت نفسي وما اقول الا الله يطول بعمرك على الاطراء
وهذي اهداء خاص لك:
ناصر ياطير حوران ياللي رقا العليا بالوفا والرجوله
انت شيخ تامر وتنهى وفي المواقف لك بطوله
قلتها لك من صميم القلب ماني بمزح ولاني ادور عموله
ناصر ياللي تنشرح لك النفس والبال ليا هلت هلوله

وسلامتك
والله اني مانيب شاعر ولكن متذوق له فقط ... :3:

والقصيد اقل شيء اقدر اقدمه لك يابو سالم

والفهري والله انا قاريها له بمجله وسامعها له بامسيه والله العالم

وعلى كل حال لاهنتوا اجمعين
وناصر لاتنقد على البيتين تراني مدوج فيها :20: :20: :20:

[ابو يزيد]

الاخ العجمي

اولا==القصيده للشاعر راشد بن الذيب المتوفي عام1406على طريق نجران شروره..رحمه الله


ثانيا==سامعها في امسيه هذي كثر منها الا اذا سمعتها من الشايب قبل 25سنه


ثالثا==اشتر مجلة المختلف العدد 112 وتعرف ان القصيده للشاعر راشد



رابعا==حاول انك تخلي الشعر لأهله



خامسا== ****** تم الحذف من قبل الإدارة ******

[align=center:3b312e1eec]ملاحظة :

أرجو من الأخ أبو يزيد الإلتزام بقوانين المنتدى ...

مع تحيات إدارة المنتدى[/align:3b312e1eec]

[العــجــمــي]

ياشين الصغار لاقامو يتطنزون


اولا ...الله يرحمه
ثانيا.....مافيها شيء اذا الولد قال حقت ابوه
ثالثا......شكرا على اعطائي عدد المجله
رابعا.....ماحد خذا رايك في القصيده
خامسا...اترك القبايل على صوب
مافيها شيء لاتفاخر الرجال بقبيلته ومافيه خير اذا ما ذكرها
(هههه) هذي ترى مالها اي اساس انت تطنز يعني؟؟ وش انت ؟؟
اسكت احسن لي ولك ويا بابا اترك الشعر حق الكبار