شاعر الجيلين
08 / 09 / 2004, 00 : 07 AM
[align=center:000c3e9507]بسم الله الرحمن الرحيم
السلام عليكم ورحمة الله وبركاته،،،،،
نبذة عن الشاعر : حمد بن محمد بن حمد آل مقطَر المهداني . ولد في عام 1356هـ في مدينة الإحساء متزوج وله من الأبناء خمسة أولاد
المهنة : رجل أعمال .
مقر الإقامة : المزاحمية (( الغطغط )).
بدأ الشَعر في سنَ مبكرة وهو في التاسعة من العمر وذلك بعد تأثره من والده الكفيف الشاعر المعروف محمد المهداني وتنوعت قصائده في جميع البحور : المدح ، الرثاء ، الغزل .............ألخ.[/align:000c3e9507]
[poet font="Arial,5,white,normal,normal" bkcolor="transparent" bkimage="backgrounds/15.gif" border="double,4,gray" type=2 line=200% align=center use=ex length=0 char="" num="0,black" filter="":000c3e9507]
يا أهل الونيت اللَي نويتوا بمسراح =اللَه يقدَركم على نية الخير
باللَه مرَوا بي على فلَة بداح =ردَوا تحيَاتي لعيد المسايير
قولوا له أنت من الغنادير مرتاح =وإلا بقالك في المودة مشاوير
وألا أنت مثلي من بعضهن سمَاح =بعض البنات اللي سواة العصافير
متولجينٍ صوت (عبده ومدَاح) =راعي الخنافس عندهم كنَه الزَير
العشق كرته طاح يا مسندي طاح =أصبح لخبلان وعبيد وصفافير
يحيون سهراتٍ على نور مصباح =ويخدَرون أرواحهم بالقوارير
شيءٍ سمج معناه ما نيب مزَاح =ما عاد للصيَاد والصَيد تقدير
يوم الهوى كلَه مخاسير وأرباح =مكاسبه بعض البكار المغاتير
أنا لمكَار المزايين جرَاح =اللي حصيل النَاس منها معاذير
عنقاً تشوف بصدرها طلع تفاح =وشعرٍ على حمرة خدوده محادير
لا غابوا الحسَاد والبال منساح =نقطف ثمر سمر العيون المخادير
على الطبيعة والنفل عنبره فاح =في صيهدٍ ما حال دونه نواطير
ما ني من اللي عشقهم بالتمدَاح =وسط المجالس يمغطون الحناجير
ولا ني لسرَ مغيزل العين فضَاح =أكره سلوك الناقصين المعاثير
واللَه لأفدي عرض خلَي بالأرواح =وأصبر ألا من فرقتنا المقادير
واللَي فلق سود الليالي بالأصباح =أنَي على درب النقى معهن أسير
يا بو سعد وقت الهوى والطرب راح =وملاقف الغزلان وسط النَواوير
ما عاد في عمر الفتى قطنة رماح =وشوف الطَموح اللَي تعطَف على البير
ومجالسٍ فيها أشقر الماء وضبَاح =وحيلٍ تعلَق بين سود الدواوير
وأن شافوا البرَاق في موعده لاح =أقفى دبشهم وأجلعن المظاهير
أيضاً ولا سمعوا ورى الطرش صيَاح =ركبوا على قبٍ سواة المعاشير
متقلدينٍ عدَة الحرب وسلاح =سمر القنى ومصقَلاتٍ بواتير
وأن واجهوا دون المغاتير زحزاح =خلَي طعامٍ لأسحم الذَيب والطير
كم وزَعوا من بينهم ذود مصلاح =مرٍ مناكيفٍ ومرٍ مغاوير
بني عمر للمعتدى سمٍ ذحاح =وللجار عزَ ويكرمون الخطاطير
[/poet:000c3e9507]
السلام عليكم ورحمة الله وبركاته،،،،،
نبذة عن الشاعر : حمد بن محمد بن حمد آل مقطَر المهداني . ولد في عام 1356هـ في مدينة الإحساء متزوج وله من الأبناء خمسة أولاد
المهنة : رجل أعمال .
مقر الإقامة : المزاحمية (( الغطغط )).
بدأ الشَعر في سنَ مبكرة وهو في التاسعة من العمر وذلك بعد تأثره من والده الكفيف الشاعر المعروف محمد المهداني وتنوعت قصائده في جميع البحور : المدح ، الرثاء ، الغزل .............ألخ.[/align:000c3e9507]
[poet font="Arial,5,white,normal,normal" bkcolor="transparent" bkimage="backgrounds/15.gif" border="double,4,gray" type=2 line=200% align=center use=ex length=0 char="" num="0,black" filter="":000c3e9507]
يا أهل الونيت اللَي نويتوا بمسراح =اللَه يقدَركم على نية الخير
باللَه مرَوا بي على فلَة بداح =ردَوا تحيَاتي لعيد المسايير
قولوا له أنت من الغنادير مرتاح =وإلا بقالك في المودة مشاوير
وألا أنت مثلي من بعضهن سمَاح =بعض البنات اللي سواة العصافير
متولجينٍ صوت (عبده ومدَاح) =راعي الخنافس عندهم كنَه الزَير
العشق كرته طاح يا مسندي طاح =أصبح لخبلان وعبيد وصفافير
يحيون سهراتٍ على نور مصباح =ويخدَرون أرواحهم بالقوارير
شيءٍ سمج معناه ما نيب مزَاح =ما عاد للصيَاد والصَيد تقدير
يوم الهوى كلَه مخاسير وأرباح =مكاسبه بعض البكار المغاتير
أنا لمكَار المزايين جرَاح =اللي حصيل النَاس منها معاذير
عنقاً تشوف بصدرها طلع تفاح =وشعرٍ على حمرة خدوده محادير
لا غابوا الحسَاد والبال منساح =نقطف ثمر سمر العيون المخادير
على الطبيعة والنفل عنبره فاح =في صيهدٍ ما حال دونه نواطير
ما ني من اللي عشقهم بالتمدَاح =وسط المجالس يمغطون الحناجير
ولا ني لسرَ مغيزل العين فضَاح =أكره سلوك الناقصين المعاثير
واللَه لأفدي عرض خلَي بالأرواح =وأصبر ألا من فرقتنا المقادير
واللَي فلق سود الليالي بالأصباح =أنَي على درب النقى معهن أسير
يا بو سعد وقت الهوى والطرب راح =وملاقف الغزلان وسط النَواوير
ما عاد في عمر الفتى قطنة رماح =وشوف الطَموح اللَي تعطَف على البير
ومجالسٍ فيها أشقر الماء وضبَاح =وحيلٍ تعلَق بين سود الدواوير
وأن شافوا البرَاق في موعده لاح =أقفى دبشهم وأجلعن المظاهير
أيضاً ولا سمعوا ورى الطرش صيَاح =ركبوا على قبٍ سواة المعاشير
متقلدينٍ عدَة الحرب وسلاح =سمر القنى ومصقَلاتٍ بواتير
وأن واجهوا دون المغاتير زحزاح =خلَي طعامٍ لأسحم الذَيب والطير
كم وزَعوا من بينهم ذود مصلاح =مرٍ مناكيفٍ ومرٍ مغاوير
بني عمر للمعتدى سمٍ ذحاح =وللجار عزَ ويكرمون الخطاطير
[/poet:000c3e9507]