قصيدة البرتقالة

[عاشق المرجلة]

قصيدة البرتقاله

--------------------------------------------------------------------------------



جديد الشاعر فيصل بن طواله
البُرتقاله





1 وش يضـر (( البُرتقالـه )) والرجاجيـل ,, القشـور
مابقـى رجــال فيـنـا .. ماسـمـع باالبُرتقـالـه

2 بـس مافينـا ولا رجــال ناظـرهـا .. غـيـور
والدليل : (( أبو البنيّه )) من يجي فينـا .. بدالـه..؟؟

3 ليه (( يابنت العراق , الماجـده )) هـذا السفـور ..؟؟
هل كذا (( حُرية الشعـب العراقـي )) وإحتلالـه..؟؟

4 من سلب منك الإراده واغتصـب فيـك الشعـور..؟؟
الحيا .. فينـا (( مـن الله )) وش أدوات إغتيالـه..؟؟

5 هل صحيح إنك (( بعشره )) ياصبيه .. للبـزور..؟؟
هكذا قرأت في (( إحدى الصحف )) تِلـك المقالـه..!!

6 أطربينـا ياحزينـه .. وإبعثـي فينـا .. الـسـرور
ارقصـي لأحـزان شعبـك ,, واطربينـا للثمـالـه

7 ياجميلـه .. وش أشاهـد فيـك أثنـاء الظهـور..؟؟
وجهك الطاهـر تشـوّه مـن (( تخاذلنـا )) جمالـه

8 هــزي الإيـمـان فيـنـا ,, ياموْلِـيـة الـدبـور
واقع الأمـه مريـر (( وصمتنـا المُطبـق )) دلالـه

9 مافهمنـا عاقبـة (( إن حُصّـل مافـي الصُـدور ))
كيف نفهمها (( يارقاصه )) وأنا .. وياك .. دالـه..!!

10 المصيبه (( شايـب الرحمـن )) لاشافـك .. يخـور
من طلعتي قام يطرد , عن (( تلفزونه .. عيالـه ))..!!

11 واجد اللي قالوا : إركـد .. قلـت : لاوالله .. بأثـور
دامني (( مؤمن )) فأنا ميقن بـأن عنـدي رسالـه..!!

12 من يعيش اليوم ,, باكـر يصبـح مـن أهـل القبـور
والا انا . كل يوم (( موتي )) أنتظر .. حطة رحاله..!!

13 جيت أنادي (( للفضيله )) ياعـرب .. بيـن السطـور
والفضيله مستحيـل تكـون (( بدعـه أو ضلالـه ))

14 إنزلـوا (( لاهـل الشـوارع )) يامقيميـن القصـور
إحتقار (( الفكرالآخر )) يُعتبر حُمـق ,, وجهالـه..!!

15 شرقنا الأوسط .. تزامت (( من معاصيـه )) البحـور
إفطنوا (( للشرق الأوسط )) قبل يأذن ,, بإنحلالـه..!!

16 التّفُحـش زاد فينـا .. وإنتشـر فيـنـا .. الفـجـور
الوعي أصبح جريمه ,, ونضـرة الواقـع خمالـه..!!

17 قمت أشوف (( بنِيوات الديـن )) يربطـن الخصـور
والشباب (( موظفين )) اليـوم فـي بنـد البطالـه..!؟

18 بعض (( تجـار العروبـه )) للقيـم .. علـة انحـور
البلاد الي نزلوهـا .. بدلـوا (( هَلهـا )) عمالـه..!!

19 مايصيـر إن (( الفقـارى )) مايلاقـون .. الفطـور
والغني مُسرف على (( معزوفة المنكر )) اريالـه..!!

20 في مثـل هاالشعـر هـذا .. ودك الواحـد حضـور
والله يخلـي لنـا : شعّـار يالالـه .. يـالالـه ....

21 ومن يبي ياطا .. على (( الجُره )) حلالـه .. لايـدور
كاني أزعلتـه بكلمـه هـذا انـا .. كلـي حلالـه ...

22 لاأنا (( مُصلح سياسي )) ولانـي (( معقّـد أُمـور ))
من قبل مني شكرته ,, ومن رفض مالي .. ومالـه..؟







الشاعر النجم
فيصل بن طواله