المساعد الشخصي الرقمي

مشاهدة النسخة كاملة : كل واحد يعزي نفسه في اهله ولا يتفاجأ، عادي السالفه فضيحه وبس


نزف القلم
05 / 09 / 2004, 51 : 04 AM
[align=center:696fcac319]المصيبة الكبرى

اعذروني اللهجه بتكون عاميه عشان نعرف نتكلم

ياناس ابغى اسالكم من جد مافيه حل عشان تُمنع جوالات الكميرا؟
اللي يقول مافيه ماصدق .
لكن الحل مو من عندنا الحل بقوله بعد انتهاء الموضوع
وهو اسهل من كلمة سهل للي يهمه عاره.

ياجماعه انا بتكلم عن الموضوع في السعوديه وياليت يعذرني اللي مو سعودي لاني مادري كيف تسير الامور خارج السعوديه.

عندنا في الاعراس وتجمعاتنا الرجال لوحدهم والنساء لوحدهم
يعني اذا قيه تصوير بكميرا لبنت من الحظور اكيد بيكون من بنت
وهذي مصيبه ثانيه ان بنت تصور بنت والله في مواضيع صارت مو مقصوده وصارت فضايح وتدمير عائلات
مثل ان بنت صورت بنت بالجوال لغرض انها تخلي اخوها يشوف الصوره عشان (يخطبها) يعني الغرض شريف وتحول الموضوع الى فضيح كيف ؟
لمن خرجت البنت اللي صورت من الفرح ضاع جوالها وحصله ابن حرام ووزعه.
طيب لنفرض انه مانسرق نحط اسباب ثانيه غير الاصبيه
نقول البنت شغلت ميزة بلوتوث والشباب مشغلين الميزه !
يعني الموضوع انتهى.
وغير كذا
الميزه الحلوه مره في التصوير بالباندا والدمعه
وهي التصوير الثابت مو الفيديو
لكن اذا دخلنا برنامج مادري ايش اسمه واللي وضيفته
تعريه من في الصوره او تجريده من ملابسه وهو او هي اصلا لابسه ومتغطيه اسم الله عليها.
يعني احسن الله عزاكم والبقيه في حياتكم مو في البنت لا في البنت واهل البنت واقارب البنت
وكله ليش بدون سبب البنت بسم الله عليه في حياتها ماشية زي السمن على العسل لكن الحقد في بعض الاحيان والبطريقه هذي
مايدمر المجتمع كله
وعاد احنا في الجزيره العربيه الحقد والحسد والعين شغاله على قدم وساق.

وصرت لمن انا اسال الناس اقول معقوله مافيه حل
الكل يقول قم بس قم والا مص خشمك !!!

طيب الحل ليش مايجي بالطريقه التاليه حفاضا على الشرف
واضن الشرف بعد الجوالات ماهو شرف

الحل:

بامر سامي من من مجلس الوزراء او مجلس الشعب او المجلس الاعلى من الدوله أي دوله تحافض على شرف اهلها وطبعا اقصد اهل الخليج والعرب والا الباقي يفتح الله
الامر هو:
يصرح لكل من:
1- رجل الامن (الشرطه)
2- رجل المرور
3- هيئة الامر بالمعروف والنهي عن المنكر
4- المباحث
5- أي جهة مماثلة لما ذكرت في الاربع السابقه

التصريح هو :
كل ممن ذكرت وقت مايشوف أي شخص يحمل هذا الجوال
يسوي العقوبات التاليه :اول شي طبعا يكسر الجوال وثاني شي غرامة كبيرة على سبيل المثال (15 الف ريال او 20 الف ريال) عشان اللي يشتري جوال يزيد عليه سعر الغرامه
وثالث يجرجره على التوقيف لمدة شهر.

واعتقد بعد هذي العقوبات والله ماعتقد احد يفكر يشتري جوال الفضيحه جوال التدمير جوال عدم الراحه لاهل ولا للاب ولا للاخ ولا لاحد

اتمنى الي يقرا يشوف حلول ثانية غير اللي قلتها واللي يايدني يقولي في الحلول بالعقوبات الرادعه.

واعتذر مره اخرى لمن هو غير سعودي لاني والله ماعمري طلعت من السعوديه
واتمنى منكم ياللي غير السعوديين تقولوا عن الوضع عندكم
عشان نفهم الوضع اكثر.

ودمت سالمين

اخوكم
بو ساره[/align:696fcac319]

كاشخ 24 ساعه
05 / 09 / 2004, 08 : 05 AM
يا أخى الفاضل



المشكله ليست فى الجوال منعه من عدمه ......المشكله فى استخدامه



بعدين على فكره اذا كسروا الجوالات على قولتك وفرضوا غرامات ترى للمعلوميه يوجد فى الاسواق كميرات اصغر من الجوال بكثير وهناك نوع بحجم الاظفر يسجل 40 ساعه فيديو !!!!!!!!!!!!



زى ما قلت لك المشكله فينا دايم نحب نرز بجوالات اخر طراز والادهى من ذلك كل واحد يطق لزوجته جوال باندا او كميونيكتر بالكاميرا عشان تكشخ فيه وتصور فيه وبعد كم يوم يقولها وين جوالك تقوله والله اهديته او عطيته صديقتى اليوم وبترجعه بكره وما يدرى ان صور زوجته او بناته فى الجوال يقدر الواحد ينزلها فى 10 ثوانى على النت .



انا زى ما قلت لك الحل الوحيد انا نترفع بتفكيرنا ونتحاشى المفاسد بعدم شراءها او حتى قبولها كهديه وتنوير محارمنا بأضرارها وما يترتب عليه من الفضائح.









نقطه اخيره:


كل ما يوجد من تكنولوجيا جديده تدخل الينا فيها من الفائده الشئ الكثير ولكنه سلاح ذو حدين تستطيع ان تستخدمه للضروره او فى الاشياء المباحه وتستطيع ان تجعل منه سلاح قاتل ربما يعود اليك فيقتلك وخير مثال على ذلك السياره فهى وسيله نقل ولكنها احيانا وسيله قتل.

عاشق الوادي الاعوج
05 / 09 / 2004, 19 : 08 AM
اخوي نزف القلم بالفعل موضوع مهم وخطير جدا
واخوي كاشخ الله يعطيه العافيه ماقصر قال ما كنت ساقول واكثر
لكن حبيت اقول ان قرار منع هذا النوع من الجولات نزل وهي ممنوعه من التداول في اسواق الاتصالات
لكن لاتزال المشكلة قائمة بوجود السوق السوداء لهذا النوع من الجولات والتي وللاسف عليها اقبال كبير من الناس وكذلك وكما نوه اخوي كاشخ الكاميرات الرقمية وهي على ماظن غير ممنوعه وهي ماتقل خطورة عن جوالات ابو كاميرة
وبالنسبةلي مع احترامي لمن يقتني هذا النوع من الجولات اشوف انها شرهة على الرجل ان يشتريه لنفسه فمابالك بمن يشتريه لاهله وهذا( رايي الشخصي)
اخوي نزف يعطيك العافيه على الموضوع والف شكر لك

مناحي معدي المسردي
05 / 09 / 2004, 14 : 06 PM
[align=center:82bdfbd9b5]الاخ نزف القلم
جزاك الله خير
وفي مثل هذه الظروف يبرز الايمان ومن لايحمي
نفسه واسرته ويعتصم بكتاب الله وسنة نبيه صلى
الله عليه وسلم فلن تحميه الدوله ولو جندت كل اجهزتها
والاخطر من التصوير وجود الدش في البيوت الذي حرف
العقول وغير العادات وطمس الهويه
فعودوا الي كتاب الله والى دينه وسنة نبيه
ولا حل غير ذلك الا من باب التعاون على البر والتقوى
وفق الله الجميع لكل خير[/align:82bdfbd9b5]

نزف القلم
11 / 09 / 2004, 17 : 07 AM
ياحبايبي

نقطه اولى

انا بقول لكم شي وهو مثال

عندنا 10 شباب ملتزمين ماخذين هذا الجوال للخير (تصوير محاضرات اي شي....)

وعندنا واحد بس صور بنت ويبغى يفضحها ......

ايش نسوي نفضح البنت لعيون العشره لا والله الا ربي ماكثر الا الكميرات
ــــــــــــــــــــــــــــــــــــــــــ

نقطه ثانيه

الجوال بيكون دائم مرافق للشخص ووقت مايبغى يصور يصور والكميرات الصغيره

عندي علم فيها لكن مابيبقى يتعب نفسه ومادري ايش لا الجوال فيه يكفي للفضيحه السريعه
ـــــــــــــــــــــــــــــــــــــــــ

نقطه ثالثه

اذا ان النصيحه تفكرونها تنفع الكلاب اهل الفضايح فاسف كثروا منها لان الناس اجناس لو انتصح

واحد عشره ماهم ناحيتك
ـــــــــــــــــــــــــــــــــــــــ

نقطه رابعه
نقطه مهممممممممممممممممممممممممممه

واحد يقول انا اختي محترم ولا لها في السوالفه بقوه راحت زاواج هي ماتدري وش الرقص كانت واقفه عادي

جات بنت حرام وصورتها ودخلت برنامج التعري ( اللي يصورك بدون ملابس)

بعدها وش اسوي اروح ااجرها على الخط.....؟ههه

هذي بنت محترمه وانفضحت يمكن لغرض حقد علي او شي من كذا يمكن...
ـــــــــــــــــــــــــــــــــــــ

اعتقد مافيه رد بعد كذا اما يمنع من اكبر جهة في الدوله والحاق عقوبات مذله

او نتلاقى في القروبات نترجاهم يرجعوا صور اهالينا بعد ماطاح الفاس في الرس

دمتم وسلمتم

أبو فـلاح
11 / 09 / 2004, 37 : 04 PM
أخي العزيز نزف القلم

المشلكة ليست في هذه التقنيات الحديثة بل في مرضى القلوب الذين لاهم لهم الا استخدام كل تقنية جديدة بجانبها السيء وقس على ذلك تقنية الانترنت والجوال والهاتف ...

مشكلتنا أن نظرة جزء كبير من شبابنا لاتتعدى أقدامهم ولايجدون مضيعة للوقت سوى التفنن في الاساءة وقلة الادب لكل ماهو طيب ونظيف ...

ابو مي
12 / 09 / 2004, 14 : 08 PM
اخواني الأعزاء

قرات فسياق حديثكم (((برنامج يعري))) وهذا موصحيح هذا البرنامج يضيف على الصور من صور اخراى خليعه من لا ساس

وطبعا يبين الأضافه من لأساس

وثانيا لمريض نفسياُ قد أشغل نفسه ثم سيشغل بعمله وغداُ لنضره قريب

نزف القلم
16 / 09 / 2004, 22 : 12 AM
اخوي حسن

صدقت في اللي قلته

فعلا في ناس تفكيرهم عند ارجولهم (كرمتم)

والله فوق كل شي يقدر يرجعها فيهم

نزف القلم
16 / 09 / 2004, 45 : 12 AM
اخوي السهم

مشكوووووور حبيبي على المعلومه اللي ريحتني فيها

وان شاء الله ربي يستر علينا دنيا واخره

دمت

العــجــمــي
18 / 09 / 2004, 33 : 08 AM
اشكرك اخي على البادره الطيبه

والمشكله في الاستخدام مو في الجوال
وانا معك في كل اللي تقوله ولا هنت على الطرح الجميل

واقعي
12 / 11 / 2004, 18 : 03 PM
[align=center:9870344e75]يوجد جهاز جديد الآن في الأسواق اليابانية يصور الشخص بملابس ولكنه يصبح عارياً بفعل هذا الجهاز

وسعره في متناول الجميع 450 دولار


هذا الكلام من مقال للأستاذ جعفر عباس في صحيفة الوطن[/align:9870344e75]

راعي وناسة
23 / 11 / 2004, 12 : 12 PM
ياشباب عندي إضافة مهمة

في الأونه الأخيرة ما نزل أي جهاز جديد إلا ومزود بكاميرا

يعني بيجي يوم تصير جوالاتكم كلها مزودة بكاميرا

والله يعين على عواقبها,,,,,,,,