قصيدة أعجبتني فأحببت ان اطلعكم عليها

[الهزاع2]

شفتها يا سعود صدفه بعد ما غابت سنين

عند قسم المختبـر وسط مشفى الجامعـه

جيتها ثم قلت ممكن في سؤالي تسمحيـن

ناظـرت فينـي بدهشه نظره متواضعـه

قالت انته تـحسبني من بنات صايعيـن

تـحسبني في زماني عن طريقي ضايعـه

قلت انا ماراح اطـول كلبوها كلمتيـن

وابعـدت عني شويه ثم جتنـي راجعـه

قالت اسال واضح انك من رجال طيبيـن

بس هرجك يالسنـافي كان وشهو دافعـه

قلت انا حبيت وحده يـوم كنا صغيـرين

ومن ثمان اسنيـن راحت للمواصل قاطعـه

عقبهـا ماذقـت نـوم يهتنيـه النايميـن

ساهر في طول ليلي لين شـمسي طالعـه

اذكر انه فيه حبه فـوق ثغـره من يميـن

واذكر انه لاجـرينا كـن شعـره تابعـه

واذكر انـه عاشـق الورد والياسميـن

صار قلبي بالـورود اللي عشقهـا زارعـه

طابعا اسـمه بقلبي فيه سيـن وفيه عيـن

وفيه الف وفيه دال وسط قلبـي طابعـه

قاطعتنـي بقولها سبحـان رب العالميـن

كـررتـها مـره .. ومرتين .. ورابعة

قلت وشفيك وشبـلاك يابنيه ترجفيـن

ليش عينك يابنيـه من كلامـي دامعـه

قالت الموقف وقلبـي والمحبـه والحنيـن

كيف اشوفك بعد ماكنـت عنك قانعـه

قلت انا بسألك انكانك انتـي تذكـرين

عن مواثيـق ثـمنها من حياتـي دافعـه

قالت ظروف الزمان ماتطيـع العاشقيـن

بيعونـي غصب حبك لو هو ماني بايعـه

انا في دنياي حالي كنهـا حال السجيـن

حتـى لو فكـوا سراحه فيه شي مانعـه

زوجوني غصب واحد وحرموني حاجتيـن

السعاده فـي زمانـي والحيـاه الرائعـه

والحين انا ام لثلاثه عندي ريـم وياسميـن

والولد اسمه على اسمك والمشاعـر جايعـه

[الإستقبال]

[align=center:b3ef14ebf2]مرحبا بك
من الملاحظ ان هذه اول مشاركة لك في منتديات شبكة جاش
واحب ان ارحب بك اجمل ترحيب
واتمنى ان تقضي معنا هنا اجمل الاوقات
ولاتبخل علينا بالمشاركات الجميله
تحياتي :lol:
الاداره[/align:b3ef14ebf2]

[ابو طلال]

[align=center:12c4415bae]صح ا لسانك على أختيارك الموفق ومشكووووووووو ر اخوى[/align:12c4415bae]

[سفير السعد]

:رهيب:

[مندوب شركة الحب]

قصيده رائعه

بالفعل اختيار موفق :رهيب: :رهيب:

اتمنى لك التوفيق
مع التحيه

[محمد]

[align=center:b5f4c74fc8]هلااااااااااااااااااا ومرحبا الهزاع2 في منتداك :يصفق:

و تسلم على هذه الرائعة :رهيب:

تحياتي :رائق: [/align:b5f4c74fc8]