مناحي معدي المسردي
03 / 08 / 2004, 06 : 04 AM
اخواني الإعزاء
هذه القصيدة أرسلتها للجار والشاعر الكبير محمد بن عبد الله العسيلي
رحمه الله رحمة واسعة عندما أهدى لي ديوانه الأول بعنوان
( ديوان محمد بن عبدالله العسيلي )
وكان يتصف رحمه الله بالدين والكرم والأخلاق الحميدة
واليكم القصيدة
يافكر جمع لي بيوتٍ منقاه=أهدا العسيلي فرصةٍ وسنحت لي
قريت ديوانه وشرفني اهداه=كنت اتمنى مناسبتها وجتلي
طماع أنا في عرف مثله وشرواه=أكبر شرف ومناسبة ناسبت لي
فعله قبل نسمع قصيده سمعناه=سوالف رجال المجالس حكت لي
واليوم محمود السجايا عرفناه=وشفت الخصال الطيبة وثبتت لي
قرم ٍ وأديب وتذبح الحيل يمناه=وان قام في موضوع ماهو بمتلي
ولـه لابةٍ كرمان ظفران ودهاه=لو أتجاهل مدحهم حل قتلي
والمدح لولا القافية ما أختصرناه=ودي لكن القافية وقفت لي
نظمتها في وقت حزن ومعاناه=والفكر أختله بين الاحزان ختلي
والبيت أخطفه بينها يالله ألقاه=ما ودي أحبي للهموم وحبت لي
يا جار جارك قد عرفه ومعناه=ولا أنت شاعر تفتل البيت فتلي
والله يجيرك بأول الوقت وأتلاه =وهذي بطاقة عرف كان شفعت لي
-
مناحي بن معدي المسردي
-
وقد أرسل لي رحمه الله رسالة هذا نصها:
هذه القصيدة موجهه للشاعر الكريم والجار الوفي مناحي بن معدي المسردي
إجابة على قصيدته التي سبق وأن أهداها الي والمتضمنه طيب المشاعر وجودة الشاعرية
وأصالة المعدن الطيب وليس هذا بغريب على مثله فشكراً لك يا أبا راكان وأرجو أن أوفق
بردودي عليك فما أصبت به فهو من توفيق الله وأنت أهل له وما أخطأت به
فهو من تقصيري وغيرمقصود.
فإلى أبيات هذه القصيدة حيث أقول فيها:
فكري وثب يوم أبيض الوجه ناداه=بصوتٍ معانيه الكبار إهتفت لي
مناحي بعث ليّه رسالة مجاراه=أحسّها تنتل خفاياي نتلي
مدري نسجلّه رسالة مواساه=ولاّ أعتبرها فرصةٍ وافقت لي
ياحي والله طيّب أصله ومجناه=ليّن بحال وباق الأحوال عتلي
من لابةٍ تعرف نهار المثاراه=تطعن نحر ما تشتل الخصم شتلي
يا مرحباً يا معرّب الأصل والجاه=ما لاح براق ٍ من الصيف متلي
شاعر ولك من قيمة الشعر علياه=ومواهبك في كل بيت برزت لي
وعرفك يشرفنا وخاطرك ندراه=خذها ثقة مهما الليالي أمهلت لي
حق الجوار من القداما ورثناه=وصيةٍ من راس أبوي وبقت لي
والشعر يوم إنك تطرقت طرياه=ما نيب أفوّت فرصةٍ لاوحت لي
لا جت لي الفرصة على ما أتمناه=سقته مثل سوق الطوابير رتلي
واليا عوى ذيبٍ ما يزعجني عواه=كم ليلةٍ سِحم الضواري عوت لي
هذا يتحداني وهذا آتحداه=هذا يباريني وذا يلتفت لي
ومن غرته نفسه نحده على أقصاه=ونذكره يوم ٍ جرى للقوتلي
وندمح خطا الطيّب ونشفق على ارضاه=وأنوي لسمحين الشيّم مانوت لي
واليا بدالي لازم أعرف من أنصاه=ما أرمي مشاريهي على كل هتلي
وأعلّق أسبابي بمن جلّت أسماه=وإن عانني كل المشارب صفت لي
-
مع تحيات
محمد بن عبد الله العسيلي
9/3/1419
ملاحظة:
الشاعر رحمه الله أصدر ديوانه الثاني بعنوان
( الوجد على مواريث المجد )
مشتملاً على القصيدتين أعلاه
هذه القصيدة أرسلتها للجار والشاعر الكبير محمد بن عبد الله العسيلي
رحمه الله رحمة واسعة عندما أهدى لي ديوانه الأول بعنوان
( ديوان محمد بن عبدالله العسيلي )
وكان يتصف رحمه الله بالدين والكرم والأخلاق الحميدة
واليكم القصيدة
يافكر جمع لي بيوتٍ منقاه=أهدا العسيلي فرصةٍ وسنحت لي
قريت ديوانه وشرفني اهداه=كنت اتمنى مناسبتها وجتلي
طماع أنا في عرف مثله وشرواه=أكبر شرف ومناسبة ناسبت لي
فعله قبل نسمع قصيده سمعناه=سوالف رجال المجالس حكت لي
واليوم محمود السجايا عرفناه=وشفت الخصال الطيبة وثبتت لي
قرم ٍ وأديب وتذبح الحيل يمناه=وان قام في موضوع ماهو بمتلي
ولـه لابةٍ كرمان ظفران ودهاه=لو أتجاهل مدحهم حل قتلي
والمدح لولا القافية ما أختصرناه=ودي لكن القافية وقفت لي
نظمتها في وقت حزن ومعاناه=والفكر أختله بين الاحزان ختلي
والبيت أخطفه بينها يالله ألقاه=ما ودي أحبي للهموم وحبت لي
يا جار جارك قد عرفه ومعناه=ولا أنت شاعر تفتل البيت فتلي
والله يجيرك بأول الوقت وأتلاه =وهذي بطاقة عرف كان شفعت لي
-
مناحي بن معدي المسردي
-
وقد أرسل لي رحمه الله رسالة هذا نصها:
هذه القصيدة موجهه للشاعر الكريم والجار الوفي مناحي بن معدي المسردي
إجابة على قصيدته التي سبق وأن أهداها الي والمتضمنه طيب المشاعر وجودة الشاعرية
وأصالة المعدن الطيب وليس هذا بغريب على مثله فشكراً لك يا أبا راكان وأرجو أن أوفق
بردودي عليك فما أصبت به فهو من توفيق الله وأنت أهل له وما أخطأت به
فهو من تقصيري وغيرمقصود.
فإلى أبيات هذه القصيدة حيث أقول فيها:
فكري وثب يوم أبيض الوجه ناداه=بصوتٍ معانيه الكبار إهتفت لي
مناحي بعث ليّه رسالة مجاراه=أحسّها تنتل خفاياي نتلي
مدري نسجلّه رسالة مواساه=ولاّ أعتبرها فرصةٍ وافقت لي
ياحي والله طيّب أصله ومجناه=ليّن بحال وباق الأحوال عتلي
من لابةٍ تعرف نهار المثاراه=تطعن نحر ما تشتل الخصم شتلي
يا مرحباً يا معرّب الأصل والجاه=ما لاح براق ٍ من الصيف متلي
شاعر ولك من قيمة الشعر علياه=ومواهبك في كل بيت برزت لي
وعرفك يشرفنا وخاطرك ندراه=خذها ثقة مهما الليالي أمهلت لي
حق الجوار من القداما ورثناه=وصيةٍ من راس أبوي وبقت لي
والشعر يوم إنك تطرقت طرياه=ما نيب أفوّت فرصةٍ لاوحت لي
لا جت لي الفرصة على ما أتمناه=سقته مثل سوق الطوابير رتلي
واليا عوى ذيبٍ ما يزعجني عواه=كم ليلةٍ سِحم الضواري عوت لي
هذا يتحداني وهذا آتحداه=هذا يباريني وذا يلتفت لي
ومن غرته نفسه نحده على أقصاه=ونذكره يوم ٍ جرى للقوتلي
وندمح خطا الطيّب ونشفق على ارضاه=وأنوي لسمحين الشيّم مانوت لي
واليا بدالي لازم أعرف من أنصاه=ما أرمي مشاريهي على كل هتلي
وأعلّق أسبابي بمن جلّت أسماه=وإن عانني كل المشارب صفت لي
-
مع تحيات
محمد بن عبد الله العسيلي
9/3/1419
ملاحظة:
الشاعر رحمه الله أصدر ديوانه الثاني بعنوان
( الوجد على مواريث المجد )
مشتملاً على القصيدتين أعلاه