عرض سريع لبرامج القناه الاولي والثانيه ( التلفزيون السعودي)

[أبو فيصل]

يعني العالم دخلت عصر العولمه والفضائيات والتطور الهائل في مجال الاعلام ..

وتلفزيوننا العزيز باقي على ماهو

القناه الاولى ...افتتاحيه بالمملكه هذا الصباح ....

بدايه البرنامج ..... لقطات من شارع البطحا قبل عشرين سنه .. ودايم نشوف الدتسن
غماره في اللقطه

بعدها فتره الاسره ..... كلها عيادات .... تقول ماعندنا مستوصفات او مستشفيات ( وياشينها )

بعد كذا فاصل مع اهم الانباء


اخونا في الله المذيع جالس يظبط الكشخه ... ووراه خلفيه عباره عن مزهريه من محلات كل شي بـ 10 اللي جنب وزاره الاعلام !



حان الان موعد مسلسل الظهيره ...... وخلص المسلسل ... يجي بعده سلامتك سلامتك ..نود لك سلامتك


ماهذا ياحسان ؟ ... ان هذا لغلط كبير .... ( نصائح وارشادات متكرره ) ياوحده احترق يدها وهي تكوي


ولا بزر طايح بالبلاعه


بعد كذا رسوم متحركه .... الكابتن مااجد ....





بعدها ... نشره الاخبار ... واه من نشره الاخبار ...


اولا ... المذيعين هم هم ماتغيروا من يوم عرفت شي اسمه تلفزيون ..... !

ثانيا .. وهو الاهم ..


استقبل ... ودع ... استقبل ... ودع ... استقبل .. ودع



وماعمري شفت تلفزيون يعرض اكبر كميه من البوسات مثل تلفزيوننا الموقر ... وبجميع المقاسات والنوعيات


اموووووووه ... امممممممممممواه .... اممممممممممه ..... ممممممممم


اللي تبي تنقى بس

بعد كذا كراني ومادراك ماكراني .... ياحبني للادمي ذا .... احس ان مافي غيره يعرف يقدم احوال جويه

المشكله ان صوته عجيب ... وفي عاده سويتها من فتره .. وتصلح علاج للارق ... اسجل دايم الاحوال الجويه
في شريط فيديوا ... واذا جاني ارق وماقدرت انام اروح اتفرج على كراني .... مايمديه يقول .. وفي راس ابو

قميص الكبرى 40 والصغرى 45 ...... الا وانا نايم ...... والبلشه ... اقوم الصبح ... القاه باقي براس ابو

قميص ماطلع منها


بعد كذا برامج التلفزيون المغبره ........ وجها لوجه

تلقى الحلقه تتكلم عن موضوع سياسي ... ويدير الحوار محلل اقتصادي لا وشغال في
بنك الزراعه


طبعا لانظلم بعض البرامج بالتلفزيون السعودي ... مثل مستشارك ...... اعتقد انه برنامج ناجح



طيب نجي نشوف القناه الثانيه .....


مسلسلات وافلام اجنبيه .... والله صعب اقول قديمه ...... وصعب اقول مغبره ...


فعلا افلام مدفونه ....... يعني احفروا واحفروا .. وطلعوا لك كم فيلم غبي .... والترجمه غلط

يقول ويلكم .... وحاطين ترجمتها ... الى اللقاء .... الخ !




عجب عجاب !








وهذا ملخص القناة الاولى والثانيه

_____________

أبو فيصل.

[أبو فـلاح]

هههههههههههههههههههههههههه

صدقني من 25 سنة وهذي هي برامجنا

ومايذبحني الا هالديكورات والاضاءة اللي في البرامج وكله من مهندسي الديكورات المصارية اللي مالين وزارة الاعلام ....


أضف الى كل هالتفاصيل المسلسل المصري الساعة 10 واللي لو تنطبق الأرض على السماء مافرطوا فيه ..ياخي لو فيه برنامج بعده يستغرق 2 ساعتين وهو مفيد مستحيل ياخذ دقيقة وحده من وقت المسلسل خصوصا اذا كانت الأخبار تاخذ 3 ساعات :غمزه: ...

مشكلة أخرى تواجهنا هالأيام ان عندنا 4 قنوات فضائية و 40 % لايشاهدون سوى قناتين و 60 يشاهدون القناة الاولى ويسمعون بالباقي !!!!!

الحقيقة كارثة أن تكون في بلد ولاتشاهد قنواتك سوى على الاقمار الصناعية :lol:

[مناحي معدي المسردي]

[align=center:28b8f0bb80]ابو فيصل

اذا كان لابد من التلفاز فهذه اقل ضرر

ولكن يا ابا فيصل[/align:28b8f0bb80]

[poet font="Arial,4,black,normal,normal" bkcolor="transparent" bkimage="backgrounds/1.gif" border="double,4,gray" type=0 line=200% align=center use=ex length=0 char="" num="0,black" filter="":28b8f0bb80]
قد هيؤك لإمر ٍ لوفطنت لهُ=فاربأ بنفسك أن ترعى مع الهملِ
[/poet:28b8f0bb80]

[align=center:28b8f0bb80]وجزاك الله خير الجزاء[/align:28b8f0bb80]

[أبو فيصل]

مكشوور اخوي حسن .. وزيد من الشعر بيت انا زرت مقر الأعلام في جدة.. والله انه في استديو واحد ... وتقام فيه أكثر من بنامج.. الاحوال الجوية ولا برنامج اسلامي مدر وش اسمه والمملكة هذ الصباح(قديم صح) وبرامج اطفال.... ما اقول الى الله يعين. :lol:

أخوي .. مناحي مشكوور .. ويعطيك الله الف عافية...وتسلم يمينك.