** الخيانه**

[اسير الدمعه]

الخطيه





وش يفيد العذر مـن بعـد الخطيـه=بعـد ماصدقـت بـي هـرج النمايـم
العـذر مرفـوض .. والغلطـه قويـه=والخطـأ ماهـو خطـأ لاصـار دايــم
تعتـذر وتقول زعـلانـن علّـيـه=وللجفـاء ياصاحبـي بـانـت عـلايـم
أسـألـك بالله وش سـويــت بـيــه=لـيــه تـلـحـق حبنا ذل وظلايم
مخلـصٍ لـك وأنـت ناويـنـي بنـيـه=نـيــةٍ خــلــت محـبـتـنـا قـسـايــم
حسبك الله كل هـذا البغـض ليـه=أو محبة منتخب حسب القوايم
الــزمــن دوار .. والـدنـيــا رديــــه=وأنت فيها بين مخطي وبين لايـم
أسمعيني .. دام صارت سرمديـه=ووصـلّـت مابينـنـا حــد الشـتـايـم
الخـيـانـه بـيّـنـت مـيــه .. بـمـيــه=وعندكـن مثـل التسـوق والعزايـم
الـزمـن ملـحـوق والغـايـه مـديــه=والفطيسـه صيدتـه طيـر الحوايـم
مايضّحـك (ياعـرب) شــر البـليـه=ممتلـي هالـكـون بـأمـورً عظـايـم
عز نفسي غايتي والروح حيه=رافع راسي ولا ارضى بالهزايم
والعذر مرفوض مـن بعـد الخطيـه=بعد ماصدقت بي ( هرج النمايم )