المساعد الشخصي الرقمي

مشاهدة النسخة كاملة : ســمــرة محششين....


غريب الدار
22 / 12 / 2002, 45 : 01 AM
يحكى انه جلسة ذات مره اربعة اشخاص جلسة كيييييييييف فا شوفوا وش نتج عن هذه الجلسه من اقلااااااااااااااع

........................................


الموقع:مخيم في الثمامه




الوقت : الله العالم انه بين عشاوين الى الصفره



الحضور : سعد السبهه

صويلح الشهير ب(نعال ابو كريم)

حمد الدب الداشر والبنقالي والله مدري وش اسمه




الحاله : فوق هام السحب


تواعدوا الشباب واجتمعوا في المخيم الي يسمونه شقه الحريه


واثر حمد جايب معه حشيش وقال للشباب :اليوم كمخ وغدا امر



صويلح : طيب الحين اذا حششنا نسكر


البنغالي : اش انتا هماره انت في هشش بعدين ما فيه مخ


صويلح :يعني نسكر



سعد السبهه: والله انك غبي

ياخي معروفه اذا سكرت تسكر واذا حششت تحشش


صويلح : يعني نسكر


حمد بعد ان لف اول صاروخ واخذ منه موشين ( مزتين)

مد الزقاره لسعد وقال :مساء الخير


سعد : هلا والله مساك الله بالرضا والعافيه

حمد : خش يا وحش

سعد : وش يعني

صويلح: يعني اسكر يا السبهه

سعد اخذله موشين وافتر راسه وقال : يا عيال احس اني عقلت

البنقالي: سبهه زقاره فيه يدور

سعد : وشلون تدور

البنقالي : يعني انت خلاص نفر تاني فيه يخش

حمد ضبط الصاروخ الثاني وعطاه صويلح وقال ترى هاذا لك لحالك


وبعد نصف ساعه من التحشيش المستمر

حمد: هاه يا عيال وش لون الجو عندكم

صويلح : والله يا هالدب اني شوفك بركهام

البنقالي : مين هازا بركهام

سعد : هذا ريس وزراء نواك شوط

حمد : والله عقلك الي ضرب شوط

صويلح : انتها والا توه

سعد : وشو الي انتها

صويلح: الشوط

سعد: اقول يا شباب وش رايكم نمشرع وكل واحد لازم يجيبله مشروع يخليه مليونير

صويلح: انا عندي مشروع على كيف ابو جيرانكم

سعد : عطناه

صويلح : المشروع يا طويل العمر ان حنا نسويلنا شارع ستين ونزفلته ونوره

حمد : وبعدين

صويلح : اصبر وراك عجل .
وبعدين يا طويل العمر والسلامه اكيد بيجونك الناس مسرعين صح

الجميع: صح

صويلح: اهاااااه اذا جوك مسرعين نقوم حنا ونسوي نقطه تفتيش وهاتي يا مخالفات واحدن نعطيه سرعه وحدن نعطيه صقوط غير نظامي واجمع من هالدراهم الين تمل

حمد : طيب اذا ما وقفولنا

صويلح : انا اقولك نسد اخر الشارع بصبات ويا مالك من الحوادث ونفتح في اخر الشارع ورشه سمكره ومشغل

حمد : طيب الورشه وعرفنا وشيله . الحين المشغل وش دخل امه في الموضوع

صويلح : ياخي مشروعي وانا حر فيه افتح اللي ابي

حمد : اقول كل تبن بس عطنا مشروعك يا سعد

سعد : انا افكر في مشروع ملعون جدف

حمد : غرد يابعد عمري

سعد : نبني لنا عماره كلها شقق عزاب
ولا ناجر الا الدشير ونوزع عليهم شراب ومزه مجانا
بعدين نجي نداهمهم كن حنا حقين مكافحه المخدرات والهيئه
ولا نسا محهم الا اذا عطونا رشوه

حمد : اقول اهل العقول في نعمه والله ما كذب الي سماك سبهه

صويلح : يا عيال انا عندي لغز

سعد : الجحه

حمد وهو يرجف سعد على خشته : يا بقره يا ام الخير خله يقول لغزه

صويلح : شكرا على تعاونك يا اخ الدب الداشر

اللغز يقول ... فيه ثنين يحششون قام واحد وسوى فيها فاهم قال لخويه : قلي من تصاحب اقول لك من انت
قال الثاني : من تصاحب .... قال الاول: من انت

سعد : الجحه

حمد : نعن ابو الي يحشش معكم بعد اليوم

صويلح : الحين كم نجمه في السماء

حمد : وش هالخطمه عسى ماشر

صويلح : صدق يا عيال كم

سعد : على حسب المكان اذا صرت في البر يجي عددهن سبعه واربعين اما في ا لرياض ما يتعدن التسع

صويلح : والله انك ذيب طيب ليش

سعد : الحين ما تسمع بطبقه الاوزون

صويلح : الا مهيب هي حقت الارض الي ما احد يتعداها

سعد : ايواااا عليك نور هذي يا طويل العمر منشقه فوق الرياض والنجوم تخر معها ويقولون ان النجوم زبنت الصمان عشان ما تضيع في الفضا الخارجي

صويلح : نعن ابو الثقافه اكيد تقرى قصص ميكي

حمد : اقول يا عيال ورى ما تسرون ترى تسبدي حامت من خرابيطكم

صويلح : تسبدك حامت شربها مويه وسكر عشان تولف

سعد : هاااااهاااااي حلوه يا نعال ابوكريم

البنقالي : ياالله قوم يالله روح بيت شمس خلاص فيه يطلع

وانتهت هذهي الحكايه بان كل واحد من الشباب اخذ نعال الثاني وراح سعد السبهه

لبيت المذن وقال معليش يا ابو مصعب ابنام عندك اليوم اخاف ابوي يدري اني محشش ويزعل علي

مجموعة انسان
22 / 12 / 2002, 55 : 01 AM
[align=center:5299f2fb93]الله يعطيك العافيه
مشكوووووووور[/align:5299f2fb93]

البارون
22 / 12 / 2002, 05 : 07 AM
ههههههههههههههههههههههههههههههههههههههههههههه


مشكور على الموضوع

محسن المسردي
22 / 12 / 2002, 05 : 07 AM
[align=center:cca27a4eed]أخي العزيز ... غريب الدار

مشكور على هذه المشاركه

والله ياهم جابوا مشااااااااااااااريع

مشاريع فوق هام السحب

يعني ماعندك أحد ههههههههه

تحياتي،،،
.
.[/align:cca27a4eed]