عايض بن هداف
06 / 06 / 2004, 08 : 09 PM
بسم الله الرحمن الرحيم
هذه القصيده للشاعر / هداف بن عايض ابن غيده يوجهها للاخ / سعيد بن علي ين جربوع القحطاني
يذكر بعض مواقفه الطيبه والطيب ما يستغرب من هله وابو علي غني عن المدح والقصيد وكذلك يذكر اصحاب الرخى واهل الاموال الذين يبخلون بها عند الواجب وهذا مبدأ القصيده ،
يابو علي لك ماقف الطيب عادات=ماهو غريب منك جود تجوده
جدك وابوك مذللين الصعيبات=والرجل ينزل في منازل جدوده
الطيب لك ميراث ماهي دعايات=يشهد لك الله والبشر من شهوده
ماينحصر لي عد جودك بالابيات=مهما وصفته مااقدر آصل حدوده
فيك الكرم فيك الصفات الحميدات =تعطي العطا منت اتحرى ردوده
كريم سبلاُ ماتحسب الخسارات=ماتفتكر فالمال نقصه وزوده
الجود يعرف صاحبه عند الازمات=تشهد له افعاله ويثبت وجوده
قال المثل للقرم في الضيق وقفات=ولا الردي تقصر عن الماء وروده
يامكثر الاصحاب دامت سلامات=كم واحدً يصهل ويفتل زنوده
الى تكلم جاك بالمستحيلات=طلقٍ لسانه واليدين امعقوده
في كل مجلس يجعل الخمس عشرات=ياطيب فعله دام وقته بروده
دامت عوافي يعتزي بالمهمات=وان جار حر الوقت يبست عدوده
لو هو قريبٍ منك خيره مسافات=لاحتجت له طاح وتثنت عضوده
مافيه له مبدا ولا له نهايات=عليه درب المجد يصعب صعوده
حيٍ ولكن يعتبر ضمن الاموات =عدم قليل الفود كنه وجوده
من حب ماله ماذكر له جمالات=الى بغى درب المراجل يكوده
البخل يدعي صاحبه للرذيلات=نفسه على فعل الرذيله تقوده
لو يطلق اللحيه وحف الشنبات=الدين ماياتي البخل في بنوده
يسعى البخيل ولا حسب للملامات=ماهمه الا كيف تكثر نقوده
في كل بنكٍ له رصيد وحسابات=يبذل من اجل المال قاصي جهوده
والمال ينفد والمقادير عجلات=والعمر ينقص والسنين امعدوده
كم واحدً يملك الوف وعقارات=مافادته يوم الورق يبس عوده
المال ما يدفع عن العبد الافات=ايضاً ولايسكن معه في لحوده
لاشك يلقى من هل الجود جودات=والعاقبه للمنفقين امحموده
يالله يا عالم بكل الخفيات=يارب بيت العز ترفع عموده
الاجواد يالله جعلهم في مسرات=اهل بيوتٍ بالضيوف امعهوده
مثل ابن جربوعٍ وشرواه بالذات=ضيفان بيته كل وقت تروده
عليه من حاتم مزايا ومدّات=المدح قدّ له وهو من قدوده
وختام ما قلته سلام وصلوات =على الرسول اعداد ذاري نفوده
واستغفر المعبود رب السماوات=مابارقٍ يبرق وحنت رعوده
-
هداف بن عايض ابن غيده
-
تقبلوا تحيات اخوكم / عايض بن هداف ابن غيده
هذه القصيده للشاعر / هداف بن عايض ابن غيده يوجهها للاخ / سعيد بن علي ين جربوع القحطاني
يذكر بعض مواقفه الطيبه والطيب ما يستغرب من هله وابو علي غني عن المدح والقصيد وكذلك يذكر اصحاب الرخى واهل الاموال الذين يبخلون بها عند الواجب وهذا مبدأ القصيده ،
يابو علي لك ماقف الطيب عادات=ماهو غريب منك جود تجوده
جدك وابوك مذللين الصعيبات=والرجل ينزل في منازل جدوده
الطيب لك ميراث ماهي دعايات=يشهد لك الله والبشر من شهوده
ماينحصر لي عد جودك بالابيات=مهما وصفته مااقدر آصل حدوده
فيك الكرم فيك الصفات الحميدات =تعطي العطا منت اتحرى ردوده
كريم سبلاُ ماتحسب الخسارات=ماتفتكر فالمال نقصه وزوده
الجود يعرف صاحبه عند الازمات=تشهد له افعاله ويثبت وجوده
قال المثل للقرم في الضيق وقفات=ولا الردي تقصر عن الماء وروده
يامكثر الاصحاب دامت سلامات=كم واحدً يصهل ويفتل زنوده
الى تكلم جاك بالمستحيلات=طلقٍ لسانه واليدين امعقوده
في كل مجلس يجعل الخمس عشرات=ياطيب فعله دام وقته بروده
دامت عوافي يعتزي بالمهمات=وان جار حر الوقت يبست عدوده
لو هو قريبٍ منك خيره مسافات=لاحتجت له طاح وتثنت عضوده
مافيه له مبدا ولا له نهايات=عليه درب المجد يصعب صعوده
حيٍ ولكن يعتبر ضمن الاموات =عدم قليل الفود كنه وجوده
من حب ماله ماذكر له جمالات=الى بغى درب المراجل يكوده
البخل يدعي صاحبه للرذيلات=نفسه على فعل الرذيله تقوده
لو يطلق اللحيه وحف الشنبات=الدين ماياتي البخل في بنوده
يسعى البخيل ولا حسب للملامات=ماهمه الا كيف تكثر نقوده
في كل بنكٍ له رصيد وحسابات=يبذل من اجل المال قاصي جهوده
والمال ينفد والمقادير عجلات=والعمر ينقص والسنين امعدوده
كم واحدً يملك الوف وعقارات=مافادته يوم الورق يبس عوده
المال ما يدفع عن العبد الافات=ايضاً ولايسكن معه في لحوده
لاشك يلقى من هل الجود جودات=والعاقبه للمنفقين امحموده
يالله يا عالم بكل الخفيات=يارب بيت العز ترفع عموده
الاجواد يالله جعلهم في مسرات=اهل بيوتٍ بالضيوف امعهوده
مثل ابن جربوعٍ وشرواه بالذات=ضيفان بيته كل وقت تروده
عليه من حاتم مزايا ومدّات=المدح قدّ له وهو من قدوده
وختام ما قلته سلام وصلوات =على الرسول اعداد ذاري نفوده
واستغفر المعبود رب السماوات=مابارقٍ يبرق وحنت رعوده
-
هداف بن عايض ابن غيده
-
تقبلوا تحيات اخوكم / عايض بن هداف ابن غيده