المساعد الشخصي الرقمي

مشاهدة النسخة كاملة : اخر قصيده للشاعر هداف عايض ابن غيده


عايض بن هداف
05 / 06 / 2004, 24 : 11 PM
قصيده للشاعر هداف ابن عايض ابن غيده
بسم الله الرحمن الرحيم


يالله ياللي ترجي الناس رحمته=ياباسطٍ ارضه ومحصي خلايقه
انت الذي تفرج عن العبد ضيقته=وانا من اللي شفته النفس ضايقه
اصبرت صبرٍ شفت منه الغليبه=وصبرٍ على ذا الحال ماني بطايقه
الصبر مرٍ لي تعدى حدوده=نارٍ لهبها ماتطفى حرايقه
سكنت في دارٍ على غير شفي=دار الشقا ماهيب للعين لايقه
والقلب تاق لداره اللي يحبها=والعين مثل القلب للدار تايقه
دارٍ ماهو لك دار بعده غنيمه=لوكان تنبت زعفرانٍ حدايقه
الاجفتك الدار دور بديلها=والرزق رب الكون للعبد سايقه
ورفيق ماينفعك في ساعة القسى=ماهو رفيق لك وجنب طرايقه
هذاك خله لاتحرى لفزعته=لاترتجي حسناه واحذر بوايقه
مادام شره ياصلك قبل خيره=لاتلتجيله وانت تعرف حقايقه
يفرح الامنه حصل لك هزيعه=ودايم على الغرات عينه موايقه
هذا ومن مثله ولو هو قريبك=عسى عليه القبر تحكم غلايقه
وش ترتجي منّه وهذي صفاته=ابعد عنه والشر سكر طوايقه
واللي قطع فيك اقطعه من وصالك=انسه عسى المعبود يقطع علايقه
مادام في دنياك ماذقت نفعه=فالقبر ماهو نافعك في عمايقه
وحذرى الردي تنصاه طلاب حاجه=بيت المذله ماتذري روايقه
يصعب على ساس الردى يعطي العطى=لوتبغي الماء منه منته بذايقه
لو كثر مال اللاش ماهو بفايدك=ساسه عن الفزعات والجود عايقه
-
هداف ابن عايض ابن غيده
-

ارجو ان تنال رضاكم واذا فيها نقص فالكمال لله
اخوكم عايض بن هداف

الفهري
06 / 06 / 2004, 19 : 01 AM
قصيدة جزله من شاعر معروف

تسلم على نقلها وامتاعنا بها

محسن المسردي
06 / 06 / 2004, 43 : 02 AM
الاجفتك الدار دور بديلها=والرزق رب الكون للعبد سايقه
ورفيق ماينفعك في ساعة القسى=ماهو رفيق لك وجنب طرايقه

بيض الله وجهك يا أبو هداف
على امتاعنا بهذه الرائعة من روائع
الشاعر الكبير هداف عايض ...
ومن سنين طويله وهذا الإسم يصدح عالياً
ابداع لا يجيده الا القادرين على الإبداع
قبلة على جبين هذا الشاعر
تقديري واحترامي لكما،،،
.
.

خيال القروى
06 / 06 / 2004, 28 : 08 AM
لاهنت ياعايض

وبيض الله وجهك

وصح لسان الشاعر هداف

سجل اعجابي لاعدمتك

اجمل التحايا

عايض بن هداف
06 / 06 / 2004, 38 : 11 AM
الله لايهينكم جميعا
سواءً الاخ الفهري او المشرف /محسن المسردي او الاخ خيال القروي

ارجو ان اكون محل رضاكم دائماً
واعجابكم وصل للشاعر هداف عايض


ومشكورين مرةًاخرى على المرور





اخوكم عايض بن هداف

حسن المسعودي
07 / 06 / 2004, 05 : 12 AM
الــــــــــــــــشــــــــــاعر الغائب الحاضر



هـــداف عايض



كلي عتب عليك لما هذا القطاعة لمتذوقي شعرك وجزالتك



نحن بحاجة الى مثل هذا الشعر والنوادر التي يستفيد منها قارئها




اما انت ياعايض

احسن الاملاء ترا عندك اخطاء املائيه

مثل اللام اللي قبل الدار

المفروض تكون

هكذا


اليا جفاك


والله لايهينك

وسلملي عليك وعلى الشايب


تقبل تحياتي

جبل بن زيد
17 / 12 / 2006, 28 : 03 PM
قصيدة جزله من شاعر معروف

تسلم على نقلها وامتاعنا بها

محمد الحياني
17 / 12 / 2006, 52 : 05 PM
صح لسااااااااااااااااااانك


وعلا شاااااااااااااااانك


وسلم بنااااااااااااااااااانك

دمت يالغالي

@ابوريان@
17 / 12 / 2006, 29 : 06 PM
تسلم يالغالي

أبو محمد
18 / 12 / 2006, 44 : 01 AM
صح اللسان الشاعر ولاستغرب من شاعر مثل هداف عايض
ولاهنت على النقل

ابراهيم بن مريع
07 / 01 / 2007, 54 : 04 PM
صح لسان الشاعر هداف بن عايض ولاهنت على النقل ياعايض