طاحن سنوني .....

[الراكد]

[poet font="Arial,5,black,normal,normal" bkcolor="transparent" bkimage="backgrounds/17.gif" border="double,4,gray" type=2 line=200% align=center use=ex length=0 char="" num="0,black" filter="":f6ef49080b]

طاحن سنوني
-
طاحن سنوني وأنقلب عارضي شيب=ودلّيــــــت اقوم بموخري قبل راسي
خذيت من طبع النضا شمّخ النيب=ثوران هرش بالبروووووووك متواسي
هذا طريق الحق ماعنه تجنيب=مضمووووون لو تفنى الجبال الرواسي
قالوا لي ان الشيب مابه عذاريب=هرج يقولونه على غــيـــــر ساسي
الشيب لابه لا معزّه ولا طيب=ألا المهونه والتـــعب والتعـــاسي
صعب على راعيه بعض المواجيب=الهيّــن الليّــن على العود قاسي
عقب الوناسه والطرب والتعاجيب=يا شبت ياتيك الزمااااان انعكاسي
يصير لك دون الوناسه عواقيب=آخر نهار وحال دونـــــه دمـــاسي
تحّرم من السجّه ونطّ المراقيب=وتنسى طرات البال لو ماانت ناسي
الشيب يتعب شمّخ النيب والذيب=وحتى النبات أليا كبر قيل عاسي
ياشبت تجفاك البني الرعابيب=من عقب ما انت جنيه ترجع نحاسي
شي صحيح وماضي له تجاريب=ولا يفيد لو تلبس جديـــــد اللباسي
العود له حشمه وقدر وتواجيب=بدور مضى واليوم كنــــه مداسي
حتى من الاقراب ياجا تعاتيب=تستضعفه بعض النفوس الخساسي
الشيب ياصادك بعكف المخاليب=مايفارقك لو صحـــت تبي الخلاصي
مار يالله ياعالم خفى خافي الغيب=عالم خفى المخفي بقلب سياسي
عبدك بدون عراك ماله مقاضيب=يامخضر بالنبت عقب اليبــــاسي
اطلبك عفوك وانت معطي المطاليب=بيوم تلين به القــلوب القواسي
ان صرت بالمظلم بشين الضنابيب=حفر حفر عرضي وطول قياسي ..
-
الشاعر غير معروف
-
[/poet:f6ef49080b]

[محسن المسردي]

[align=center:e6974b0dd5]مشكور يالراكد على هذه القصيدة

الرائعة والصادقة والتي قلبت الموازين

فكثيراً ما يقال ( الشيب ولا العيب )

والشيب ما به عيب ..

وكما قال الشاعر طلال السعيد[/align:e6974b0dd5]

[poet font="Arial,5,black,normal,normal" bkcolor="transparent" bkimage="backgrounds/17.gif" border="double,4,gray" type=2 line=200% align=center use=ex length=0 char="" num="0,black" filter="":e6974b0dd5]
الشيب ما به عيب ما به عذاريب=لا شك عيبه يطرد البيض عنا
[/poet:e6974b0dd5]

[align=center:e6974b0dd5]اختيار رائع ويعطيك العافية

وعذراً على التدخل في التنسيق

وتقبل تحياتي،،،
.
.[/align:e6974b0dd5]

[صادق الكلمة]

[align=center:759a1c4e76]اخي الراكد

تسلم يمينك على نقل هذه القصيده الرائعه[/align:759a1c4e76]


[align=center:759a1c4e76]هــذا طـريـق الـحـق مـاعـنـه تجـنـيـب
مضمووووون لو تفنى الجبال الرواسي[/align:759a1c4e76]