قول سالفه او قصه تضحك صارت لك !!!

[مخاوي النشاما]

يا شباب ويا شابات


نبي كل واحد يحكي لنا سالفه او قصه تضحك صارت له...

وارجوا من الجميع المشاركه...


تحيــــــــــــــــــــاتي

[كابتن ماجد]

ورا ماتبدا انت؟؟؟؟؟؟؟؟؟؟؟؟؟؟؟؟ :رائق:

انا مرة شربت سفن واستغربت من طعمه وفي الأخير طلع عشرق :قهر:

وهذي قصة يرويها لي أحد الأشخاص

يقول: لما كنت صغير.. الوالد جاب شجرة كبيرة عشان نقطعها لأن الوقت كان برد وبرد، مهوب زي الحين

المهم قمت أنا وخوي اللي أكبر مني نبغى سوي فيها فتوات ونقطعها . بس كانت فيه مشكلة صغيرة



"إن الشباب متأثرين بالرسوم المتحركة "


قام أخوي أخذ الفأس وقال وخروووووووووا

والله أخواني الصغار فهموا الكلام وبعدوا إلا واحد دلخ ما وخر اللي هو....................... أنا

الأفندي أخوي يبغى يقع الغصن بالعرض وأنا واقف بمحاذاته بس متأخر شوي للخلف

المهم ما شافني وبسم الله " تننننننننننننننننننننننننننننمبر" :lol:


هذي كلمة دايم نسمعها في الرسوم إذا بغوا يقطعون الشجر (معجم لسان الرسوم المتحركة)

والله وينقطع الغصن ويمر الفاس مكون زاوية مقدارها 157.29 درجة " عالم رياضيات على غفلة" ويجي

الفاس في .................. صدق أولا تصدق في بطني


والله واشتغلت الصيحات بعد فترة حوالي دقيقة صمت لأن ما أحد قدر يستوعب الموقف على طول

أخذ أخوي يقول اسكت تكفى - لأنه عارف إن وراه عصا بتكسر على راسه- والله يحاول الولد يسكت ومافيه فايدة

المهم كان هو ذكي شوي !!! قال اسكت واروح اشتري لك حلاوة

أنا بس سمعت حلاو على طول انقطع الإرسال

[بنت الشمال]

[align=right:cbad568564]
الموضوع مره حلو وظريف عشان كذا بشارك فيه وبقولكم موقف موقف بكاني وضحكني


مره كنا نجهز بنروح لزواج ومحتاسين مره والسيارات تضرب بوري برا يله يله


لان الزواج بعيد مره المهم كلهم طلعوا الاانا وبعد الصراخ وازعاج السيارات طلعت

وكنت مرتبكه ومحرجه اني اخرتهم لكن طلعت باءيش؟؟؟؟؟؟؟؟؟؟


بشبشب الحمام الله يكرمكم نسيت لا البس جزمه الفستان


والمصيبه الاكبر من كذا اني مالقيت مكان بسياراتنا واضطريت اركب مع بنات خالتي واللي يسوق ولد خالتي طبعا


ولما انتصفنا بنصف الطريق ومشينا مسافه موبسيطه


طالعت برجولي وماحسيت بنفسي والله صرخت يمـــــــــــــــــه نسيت جزمتي وياليت امي كانت معي

وجلست ابكي ليه ابكي مادري

المهم رجعنا المسكين للبيت وانتهت القصه المبكيه والمضحكه


مايستفاد من القصه:

1- عدم الاستجال عند الذهاب الى أي مناسبه وتجهيز اغراضك من بدري

2- الرفق من قبل الرجال وعدم التعصيب وارباك الاخرين[/align:cbad568564]

[سفير السعد]

قصتي يالربع مدري كيف صارت,,,المهم كنت انا متعلم كلمة ((اوكى)) ولصقت على لساني اي واحد يكلمني اقول ((اوكى طيب)) ...((اوكي ابشر))...((اوكي جايك))

ومره قاعد مع الأخ عشق بدوي
ونسولف المهم مدري وش سألني بس اذكر اني قلتله اوكى قبرتني

وبعدها الرجال بغى يموت ضحك قلت وش فيك؟فال ياخوي اول مره اشوفها تجتمع أوكى مع قبرتني :مضرب: