ناصر بن سالم
18 / 12 / 2002, 29 : 07 PM
يا عاذلة قلبي
-
يا عاذلة قلبي ترى الناس اجناس=وما كل واحد يحتمل جرح وحروق
وان كان صرتي تضربي اخماس باسداس=خذي حقيقة واقعي هرج موثوق
انا امتلك قلبين واحد مع الناس=معذب وقلب بعالمي معتلي فوق
ولي مملكه من غير عسكر وحرّاس=عايش على ذوقي وغيري على ذوق
تقولي خيالي وعاطفي وشخص حساس=كلك غلط يا آدمي لازم تفوق
قلت ابشري يابنت لا تقرعي اجراس=ابي انسحب من عالمك بس برفوق
ما دام قدري ما يجي وزن قرطاس=وانكرتي الماضي بجحدان وعقوق
ومن بعد ما صار الذهب يقلب نحاس=ويصير راعي الحق للناس محقوق
ومن بعد ماصارت ليالي هوجاس=من كثر ما رقّعت والشق مفتوق
عفت التجاره وتبت واعلنت الافلاس=من بعد ما صرت اخسر الطاق مطبوق
وآخر خساره ذقتها مالها قياس=مطعون من كفي وبيدي مخنوق
وعزيت نفسي وقلت يا نفس لاباس=ياما ويا ما ضاعت حقوق وحقوق
واقول للي تشتري الطين بالماس=خلك على طينك ترى الماس له سوق
ودامك عشقتي الطين لا تنسي الفاس=كدّي بهالدنيا ترى العمر ملحوق
وآخر كلامي قلت دينٍ من الراس=ما نجتمع ما دام ينبض بي عروق
واهد كل اللي بنينا من الساس=لو ينتق من مشة القلب معلوق
-
ناصر بن سالم
-
يا عاذلة قلبي ترى الناس اجناس=وما كل واحد يحتمل جرح وحروق
وان كان صرتي تضربي اخماس باسداس=خذي حقيقة واقعي هرج موثوق
انا امتلك قلبين واحد مع الناس=معذب وقلب بعالمي معتلي فوق
ولي مملكه من غير عسكر وحرّاس=عايش على ذوقي وغيري على ذوق
تقولي خيالي وعاطفي وشخص حساس=كلك غلط يا آدمي لازم تفوق
قلت ابشري يابنت لا تقرعي اجراس=ابي انسحب من عالمك بس برفوق
ما دام قدري ما يجي وزن قرطاس=وانكرتي الماضي بجحدان وعقوق
ومن بعد ما صار الذهب يقلب نحاس=ويصير راعي الحق للناس محقوق
ومن بعد ماصارت ليالي هوجاس=من كثر ما رقّعت والشق مفتوق
عفت التجاره وتبت واعلنت الافلاس=من بعد ما صرت اخسر الطاق مطبوق
وآخر خساره ذقتها مالها قياس=مطعون من كفي وبيدي مخنوق
وعزيت نفسي وقلت يا نفس لاباس=ياما ويا ما ضاعت حقوق وحقوق
واقول للي تشتري الطين بالماس=خلك على طينك ترى الماس له سوق
ودامك عشقتي الطين لا تنسي الفاس=كدّي بهالدنيا ترى العمر ملحوق
وآخر كلامي قلت دينٍ من الراس=ما نجتمع ما دام ينبض بي عروق
واهد كل اللي بنينا من الساس=لو ينتق من مشة القلب معلوق
-
ناصر بن سالم