خالد بن نايف ال مسعود
24 / 01 / 2004, 43 : 02 AM
اخواني واخواتي الاعزاء
اهديكم هذه القصيده مع الاعتذار عن الانقطاع
دارت الدنيـا وقلنـا يالله انـك الكافـي=من صواديف الزمان وحاجـةٍ مستـوره
مابقا شي من حـروف الحقيقـه خافـي=غير كلمة ضابـط ياقـف ورا طابـوره
الحقايق كالنجـوم وفـا السمـا تنشافـي=والمرايا تعكس الصوره بنفـس الصـوره
والثوانـي وقتهـا عنـد الدقايـق وافـي=لو نعد العـام يطلـع كامـلات شهـوره
والنفوس اللي غدت فـي ذمـة الحلافـي=يوم كلن له علـى وقـت الجريمـه دوره
جيت اقسمها على الاربـاع والانصافـي=مارضت تطلع ولو بالقسمـه المكسـوره
قلت باتركها وبرجـع للـزلال الصافـي=واشرب من الما وابلل كبـدي المقهـوره
شفت ناس تشـرب المـا مالهـا كفافـي=ناس مخبوره ونـاسٍ ماهـي بمخبـوره
مابهم جالـب ولا ضنـي بهـم حذافـي=من عذيب الصوت والعلم والوفي مفقـوره
البدون املا الملابـس والعقـول خفافـي=والسماجه والسذاجـه عندهـم مذكـوره
الوجيه وجيه بطـره والقلـوب ضعافـي=مالقيت بهـم ولا واحـد طـوال شبـوره
ناس ماتدري وش المقبل ووشهـو قافـي=ناس اضن انها على طول الزمن مسحوره
عاااالة فالوقـت ويطيشـون بالغطرافـي=والسنتهم عوج كنهـا عوجـة الباكـوره
كلمة في قربهم يـااهـل الوفـا تنعافـي=باترك الكلمه واخلي صفحتـي مهجـوره
واحمد الله واشكـر الله ماعلـي اخلافـي=العيون تشوف وبيـوت الوفـا معمـوره
يفهم العاقـل مـن الفكـره ولايختافـي=والغشيم يموووووت يعرف حاجة مستوره
اخـــــــــوكـــــــــم
خـالــدبن نــايــف
اهديكم هذه القصيده مع الاعتذار عن الانقطاع
دارت الدنيـا وقلنـا يالله انـك الكافـي=من صواديف الزمان وحاجـةٍ مستـوره
مابقا شي من حـروف الحقيقـه خافـي=غير كلمة ضابـط ياقـف ورا طابـوره
الحقايق كالنجـوم وفـا السمـا تنشافـي=والمرايا تعكس الصوره بنفـس الصـوره
والثوانـي وقتهـا عنـد الدقايـق وافـي=لو نعد العـام يطلـع كامـلات شهـوره
والنفوس اللي غدت فـي ذمـة الحلافـي=يوم كلن له علـى وقـت الجريمـه دوره
جيت اقسمها على الاربـاع والانصافـي=مارضت تطلع ولو بالقسمـه المكسـوره
قلت باتركها وبرجـع للـزلال الصافـي=واشرب من الما وابلل كبـدي المقهـوره
شفت ناس تشـرب المـا مالهـا كفافـي=ناس مخبوره ونـاسٍ ماهـي بمخبـوره
مابهم جالـب ولا ضنـي بهـم حذافـي=من عذيب الصوت والعلم والوفي مفقـوره
البدون املا الملابـس والعقـول خفافـي=والسماجه والسذاجـه عندهـم مذكـوره
الوجيه وجيه بطـره والقلـوب ضعافـي=مالقيت بهـم ولا واحـد طـوال شبـوره
ناس ماتدري وش المقبل ووشهـو قافـي=ناس اضن انها على طول الزمن مسحوره
عاااالة فالوقـت ويطيشـون بالغطرافـي=والسنتهم عوج كنهـا عوجـة الباكـوره
كلمة في قربهم يـااهـل الوفـا تنعافـي=باترك الكلمه واخلي صفحتـي مهجـوره
واحمد الله واشكـر الله ماعلـي اخلافـي=العيون تشوف وبيـوت الوفـا معمـوره
يفهم العاقـل مـن الفكـره ولايختافـي=والغشيم يموووووت يعرف حاجة مستوره
اخـــــــــوكـــــــــم
خـالــدبن نــايــف