مشاهدة النسخة كاملة : وصية بركات الشريف لولده مالك
الكاسر
22 / 01 / 2004, 54 : 09 AM
[poet font="Simplified Arabic,4,black,bold,normal" bkcolor="transparent" bkimage="backgrounds/7.gif" border="none,4,gray" type=0 line=200% align=center use=ex length=0 char="" num="0,black" filter="":600243c7d7]
يا مرقب بالصبح ظليت باديك=ما واحد قبلي خبرته تعلاك
وليت يا ذا الدهر ما أكتر بلاويك=الله يزودنا السلامة من أتلاك
يليل على العريان عمت شكاويك=وليت يا دهر الخطا ول ماقواك
واليوم هالقانون غادي شبابيك=تلعب به الأرياح مع كل شباك
يا مالك إسمع جابتي يوم أوصيك=وإعرف ترا يابوك بآمرك وبأنهاك
أوصيك بالتقوى عل الله يهديك=لها وتدركها بتوفيق مولاك
الله بحق أجدادك الغر يعطيك=رضاه مع كل ما تمنى من أمناك
إحفظ دبشك اللي عن الناس مغنيك=اللي الى بان الخلل فيك يرفاك
إجعل دروب المرجلة من معانيك=والأدراج سيسها على العز مرقاك
إحذر ليعات أبيها لتاليك=أيضا ويرخص عندها قدر مأواك
أما سمج وإلا أستسمجك عند شانيك=وأغتض من فعله صديقك وشرواك
وإحذر تضيع منهو ذخر فيك=معروفه لاتنساه وأوفه لعرفاك
وأوف الرجال حقوقها قبل تعنيك=لا تعتمد بالعق فالحق يقفاك
وهرج النميمة والقفا لا يجي فيك=وإياك عرض الغافل إياك إياك
تبدي حديث فيه للناس تشكيك=وتهيم عند الناس بالكذب وإشراك
وإذا نويت احذر تعلم بطاريك=كم واحد تبغي به العرف وأغواك
[/poet:600243c7d7]
[center:600243c7d7][table=width:70%;:600243c7d7][cell=filter:;:600243c7d7][align=center:600243c7d7]المرجع:الموسوعةالنبطية[/align:600243c7d7][/cell:600243c7d7][/table:600243c7d7][/center:600243c7d7]
محسن المسردي
22 / 01 / 2004, 28 : 05 PM
[align=center:d3fa83d524]أخي العزيز ... الكاسر
أشكرك وإليك القصيدة كاملة
وهي عبارة عن 58 بيت[/align:d3fa83d524]
[poet font="Arial,5,black,normal,normal" bkcolor="transparent" bkimage="backgrounds/17.gif" border="double,4,gray" type=2 line=200% align=center use=ex length=0 char="" num="0,black" filter="":d3fa83d524]
وصية
-
يالله ياللي كل الأمـّات ترجيـك =يا واحـد ٍ ما خاب حي ٍ ترجاك
يا رب عبد ٍ ما مشى في معاصيك =مـا يمشي الا فـي محبتك ورضاك
يا مـرقب ٍ بالصبح نطيت راقيك =مـا واحـد ٍ قبلـي خبرته تعلاك
وليّت يا ذا الدهـر مكثر بلاويـك =الله يـزودنا السلامـة من اتلاك
ياللي على العربان عمت شكـاويك =وليت يا دهـر الشقا ول مقواك
واليوم ها الكانون غـاد ٍ شبابـيك =تلعب بـه الارياح من كـل شباك
يا مالك اسمع جابتـي يوم أوصيّك =وافطـن ترى يابوك بآمرك وانـهاك
وصيّـة ٍ من والد ٍ طـامـع ٍ فيك=تسبـق علـى الساقة لسانه لعلياك
أوصيك بالتقـوى عسى الله يهديك =لـهـا وتـدركهـا بتوفيق مولاك
الله برب اجـدادك الغـر يعطيـك =رضـاه مـع مـا تـمنـّى من مناك
إحفظ دبشك اللي عن الناس مغنيك =أللـي لـيـا بـان الخلل فيك يرفاك
واعرف ترى مـكـة حكمها بناخيك =لـو تشحذه خمسة ملاليم ما اعطاك
إجعـل دروب المرجلـة مـن معانيك =واحـذر تـميّل عـن درجها بمرقاك
لا تـنسدح عنها وتبغانـي اعطيـك =جـميع مـا يكفيك ما حاصل ٍ ذاك
أدّب ولـدك إن كـان تبغيـه يشفيك =واستسعفـه مـن بعـد مرباه بالاك
إما سـمج واستسمجك عند شانـيك =ويفـرّ من فعلـه صديقـك وشرواك
والاّ بعـد جهلـه تـرى هو بـياذيك =لـو زعلـت امـه لا تـخليه يالاك
واحـذر تضيّع كـل من هـو ذخر فيك =معروف لا تـنساه واوفـه بعـرفاك
تـرى الصنايـع بـين الاجـواد تشريك =الـيـا طمعـت بغـرسها لا تعدّاك
واحـذر سـرور بغبـّة البحـر يرميك =ولا عنـده افـلس من تشكّيك وابكاك
واوف الـرجال حقوقهـا قبـل تعنيك =لا تعتمـد بالقـول فالـحق يقفـاك
وهـرج النميمـة والقفا لا يـجي فيك =واياك عـرض الغافـل ايـاك إيـاك
تـبدي حديـث ٍ للملا فيـه تشكيك =وتـهيم عند الناس بالكـذب واشـراك
والـيـا نـويت احـذر تعلم بطاريك =كـم واحـد ٍ تبغـي به العرف واغواك
واحـذر شـماتة صاحب ٍ لك مصافيك =واليا جـرى لك جـاري ٍ قـال لولاك
ولا تـحسب إن الله قطـوع ٍ يـخليك =ولا تفـرح إن الله علـى الناس بـدّاك
الضيـف قـدّم لـه هلا حين يلفيك =ومـما تطولـه يا فتـى الـجود يمناك
إحـذر تلقـّي الضيف مقـرن علابيك =خلـه مـحب ٍ لك صديق ٍ إذا جاك
واوصيك زلات الصديـق إن عثـا فيك =مـا زال يغطاها الشعر فاحتمـل ذاك
راعـه ولـو مـا شفت إنه يراعيـك =عسـاك تكسـر نـيـته عن معاداك
واحـذر عـدوك لـو ظهر بي يصافيك =خـلك نبـيـه وراقـبه وين ما جاك
لا تـأمنـه واطلـب مـن الله ينجيّك =ويـكفيـك ربـك شـر ذولا وذولاك
شفنـي أنـا يابـوك بآمـرك وانـهيك =عـن التعـرض بـين الاثنين حذراك
إذا حضـرت طلابـة ٍ مـع شرابـيك =إسـع لـهم بالصلـح واللاش يفـداك
إبـذل لـهم بالطيـب ربك يـنجّيك =ولا تـجضع الميـزان مـع ذا ولا ذاك
أمـا الشهـادة فادّهـا إن دعوا فيـك =بـيـّن عمـود الدين لا عميت ارياك
بالك تـماشي واحـد ٍ لك يـردّيـك =طالـع بنـي جنسـك وفكّر بممشاك
رابـع أصيـل ٍ فـي زمانـك يشاكيك =لا شـاف خـملاتك عن الناس غطاك
واحـذرك عـن طـرد المقفيّ حذاريك =عليـك بالمقبـل وخـل مـن تعـداك
ثـم العـن الشيطـان ليـاه يغويـك =تـرى ان تـبعتـه للشـرابـيك وداك
واوصيـك لا تـشكـي عليـنا بلاويك =أنـت السبـب طرفك عيونك بيمناك
واعـرف ترى اللي من وطا (الفعر)واطيك =ولا انـته أعـز مـن الجماعـة هذولاك
ألـمسـك يا راسي من الذل واخطيـك =واحـذر تكلـم يـا لسانـي حـذاراك
والطـف بـجارك ثـم قـم دون عانيك =وافطـن لما يعنـيك عـن ربعـة اخواك
يا ذيـب وان جـتك الغـنم فـي مفاليك =فـاكمـن إليـن ان الـرعايا تعدّاك
فـيما مضـى يا ذيـب تفـرس بياديك =واليـوم جـا ذيـب ٍ عـن الفرس عدّاك
يا ذيـب عاهـدنـي واعاهـدك ما ارميك =مـا ارمـيـك أنا ياذيب لو زان مرماك
والنفـس خالـف رايها قبـل ترمـيـك =تـرى لـهـا الشيطان يرمـي بالاهلاك
ومـن بعـد ذا لا تصحب النـذل يعديك =وعـن صحبـة الأنـذال حاشاك حاشاك
تـرى العشيـر النـذل يـخلف طواريك =وانـا ارجـي انـك ما تـجي دون آباك
والهقـوة انـك مـا تـجي دون اهاليك =ولا اظـن عـود الـورد يثمـر يتنـباك
والحـر مثـلك يستحـي يصحب الديك =وان صاحبـه عـاعـا معـاعـات الادياك
لا تستمـع قـول الطـرف يـوم يلفيك =بالكـذب يقضـي حاجتـه كـل ما جاك
ومـن نـم لك ،نـم بك ولا فيه تشكيك =وإلـيـاه قـد أزرى رفيـقـك وأزراك
عنـدك حكـى فـيـنا وعندي حكى فيك =وأصبحـت مبغضـنا وحـنا كرهنـاك
مـا اخطـاك مـا صابـك ولو كان راميك =واللـي يصيـبك لـو تتقيت ما اخطاك
مـار استمـع منـي عسـى الله يهديـك =والنـصـح يـا مـالك لك الله لمـولاك
عنـدي مظـنـّة مـا تـمثلتهـا فـيـك =واطـلب لك التـوفيـق مـن عند مولاك
-
الشريف بركات
-
[/poet:d3fa83d524]
[align=center:d3fa83d524]أشكرك أيضاً على ذكر المصدر :رهيب:
تقبل تحياتي،،،
.
.[/align:d3fa83d524]
الكاسر
17 / 02 / 2004, 14 : 02 AM
الأخ العزيز محسن ...... مشكور ألف شكر
والمعذره على تأخر الرد
vBulletin® v3.8.4, Copyright ©2000-2024